Historikk: 15-årsjubileum

Richard Bremerthun deler ut førstepremien til ein djupt bukkande Triokaptein Harald Larsen. Alle foto: Harald Larsen sitt arkiv :)

Meir frå gamle dagar, også her frå gamle bøker med referat frå Triokampar. Her forteljast om ei turnering på Valen i 1961. På den tida hadde ein ikkje garderobar, men laga byta på seg i sløydsalen i kjellaren på gamleskulen. Uansett betre tilhøve enn i Etne, for der måtte ein skifte utandørs.

Myntkast før kampen mellom Trio og Skånevik.

I anledning Trio sitt 15-årsjubileum skipa laget til ei fotballturnering på Valen den 29.-30. juli 1961.

Me hadde bedt inn Etne idrettslag, Halsnøy idrettslag og Skånevik idrettslag. Lørdag spela Trio-Skånevik, der Trio vant 4-2 etter ein god innsats. Så spela Etne-Halsnøy, der vant Etne 3-0. Dermed var Trio klar for finalen og me fikk Etne som motstandar.

Søndag spela Skånevik-Halsnøy jumbofinalen der Skånevik vant 5-1. Etne-Trio spela så finalekampen, der Trio sigra 2-1. Triogutane gjekk inn for fullt frå første minutt til det siste, for dei hadde sett i seg att dei skulle vinne denne kampen. Og dei låg så pass over at seieren var fortjent. Etter kampen var det utdeling av pokalar der Trio gjekk av med den største.

Eitt av laga (Skånevik?) som var med i turneringa.

Trio sitt lag mot Skånevik: Einar Mikkelsen, Bjarne Guddal, Øystein Skogseth, Reidar Bremerthun, Leif Handeland, Kåre Tveit, Per Myklebust, Harald Larsen, Tore Kjell Olsen, Erling Eikeland og Terje Herskedal.
Dommar: E. Pedersen, Etne.

Nok eit lagbilete.

Trio sitt lag mot Etne: Einar Mikkelsen, Bjarne Guddal, Øystein Skogseth, Reidar Bremerthun, Leif Handeland, Harald Larsen, Harald Holmedal, Per Myklebust, Tore Kjell Olsen, Erling Eikeland og Terje Herskedal.
Dommar: Richard Bremerthun, Trio.

- Oppmann Harald Larsen


	Tilbake