Volleyball : Heimeseier i sesongopninga for 1.divisjon damer

Trio - Grong 3-0 (25-11, 25-9, 25-16)

Heimelaget tok kommandoen frå start og allerede tidleg i 1.sett fekk laget ein god ledelse etter ei serverekkje frå Kathrine Tveit.  Denne klarer ein å halde utover i settet og til tross for at ein slit litt i mottak mot ein god servar frå Grong er ein aldri trua og settet ender såpass klart som 25-11.  I 2.sett startar også heimelaget best og går opp i ledelsen 4-1.  Deretter får Grong fem poeng på rad, Trio tar då time-out på stillinga 4-6.  Triodamene tek deretter heilt over, resten av settet blir einvegskjøring og resultatet ender 25-9.  3.sett blir noko jevnare enn dei to første.  Det er imidlertid heimelaget som er i føringa stort sett heile tida, og etter settsiffer 25-16 er det klart at heimelaget har vunne serieopninga 3-0.

Dagens motstandar Grong er nok ikkje blant dei sterkaste laga i årets 1.divisjon, likevel var dette ein meget godt gjennomført kamp av Triodamene.  Det kom mange relativt enkle ballar over nettet i denne kampen, mange av desse klarte ein å omsette raskt og effektivt til poeng.  Det var viktig å komme godt i gang med sesongen, og ikkje minst å vinne framfor publikum heime i Husneshallen.

Desse spelte for Trio : Kathrine Tveit, Tone Tjelmeland, Malin Haavik, Maren E. Skogseth, Cecilie Bjørke, Katarina Kucerkova, Tone M. Lillesletten, Gina Hella Berge-Soldal, Marion S. Bjørsvik.

Neste oppgåver for damene er allerede neste helg.  Då tek laget turen til Trøndelag for å spela mot NTNUI laurdag før det allerede neste søndag er 'returkamp' mot Grong på bortebane.