Volleyballkampar i fleng på laurdag

Laurdag går heile fire volleyballkampar av stabelen i Husneshallen. Alle tre seniorlaga skal i aksjon.

Herrelaget har nokre kampar til gode på dei øvrige laga og ligg på 3.plass på 2.divisjonstabellen (totalt 7 lag). Men laget har ikkje samla poeng i rankingturnering, slik at den reelle plasseringa er litt svakare. Laurdag er tabelljumbo Sotra motstandar, og Triokarane blir storfavorittar når dei avsluttar kampdagen med dyst kl 16.

1.divisjonsdamene ligg på ein sterk 3.plass på serietabellen, med god klaring til laga bak. Med ok innsats i rankingturneringa så langt, ligg faktisk laget oppe på 6.plass i 1.divisjon totalt (2 avdelingar). Det tilseier at vi har landets 12.beste damelag i volleyball! Laurdag kl 14 kjem BSI2 på besøk. Det er laget som ligg nærast på rankingtabellen, så her ligg det an til ein jamn og spanande kamp.

Andrelaget på damesida har til gode å vinne i årets sesong, etter opprykk frå 3.divisjon i fjor. Men i helga kjem to av dei beste sjansane til siger. Både Askøy og BSI3 ligg på nedre halvdel av tabellen.

Kampprogrammet i Husneshallen laurdag

Kl 10:00 Damer 2.divisjon: Trio2-Askøy

Kl 12:00 Damer 2.divisjon: Trio2-BSI3

Kl 14:00 Damer 1.divisjon: Trio-BSI2

Kl 16:00 Herrer 2.divisjon: Trio-Sotra


	Tilbake