Trenarapparat
Arne Førde og Jan Steinar Sleen er trenarar for både senior og junior, nytt av året. I tillegg er Jan Inge Ringen med og Arvid Børve er lagleiar for juniorlaget.
Endringar i spelarstall
Mykje likt laget dei hadde i fjor. 3-4 spelarar er no blitt for gamle, men desse spelte stort sett på A-laget i fjor og var ikkje mykje med for elitejuniorane. Nokre gutespelarar er kome opp på juniornivå.
Ambisjonar
Ambisjonane for juniorlaget er kort og godt å utvikle spelarar, slik at desse blir gode nok for A-lagsspel i 3.divisjon. Kva plassering dei får i juniorserien, er ikkje så nøye, men ein ønskjer sjølvsagt å styre klar av nedrykk.
Treningskampar
Juniorane spelar ikkje eigne treningskampar. Heile seniorgruppa er delt i 2, etter kvalitet – ikkje alder. Treningskampar for A- og B-lag har dermed også omfatta juniorspelarane. Einaste eigne juniorsamling var Haugar Cup. Der slo dei Trott 5-0 og tapte 0-1 for Vard. 2-0 over Follese og tap 0-5 for FK Haugesund.
| 
