Turn: Takk til Anita!

* Årsmelding for Turngruppa i 2014 finn du her.

Turngruppa takkar Anita Borgen Vågen for ein formidabel innsats som instruktør i ein mannsalder. No må det seiast at Anita var svært ung når ho starta karriere som turn-instruktør. Det er ikkje berre det at ho held seg godt, som ho jo og sjølvsagt gjer :)

Som 13-åring starta ho opp i gymsalen på Undarheim og sykla rundt med ghettoblaster’en bakpå sykkelen. Å halde det gåande i alle desse åra står det stor respekt av!

Anita har vist oss kva det er som er viktige for å få til gode treningar! Eg har vore heldig å få gå i lære hjå Anita og vere vitne til hennar gode eigenskapar som trenar. Mykje av nøkkelen ligg i å ha det kjekt saman med ungane og vise glede og engasjement. I tillegg til å vera tydeleg, ha ein klar struktur på timane og vera godt førebudd. Ros og oppmuntring gjennomsyrar timane, og ungane legg inn eit ekstra gir.

Sjølv om Anita takka for seg no, har me ikkje heilt gitt opp håpet om at ho kjem tilbake til turngruppa i ein eller anna form. I denne omgang sender me ei stor takk til Anita for ein kjempe innsats!

Anne Margrethe M Vangsnes

Trio turn