Uavgjort i sjeldan 11arkamp

Trio G13 - Odda G14 3-3. I ein treningskamp på Kvednabekkjen i går spela Trio G13 og Odda G14 uavgjort. Gutane skal spele 9arfotball i 13-årsklassen i år, men manna seg opp til 11arkamp mot 14-åringane frå Odda.

2 mål av Lars O. Larsen.

Kampen starta veldig godt for vår del, spelet gjekk langs bakken og gutane heldt god fart i ballen. Det gjekk difor ikkje mange minuttar før vi leia 2-0. Fyrst var det Lars som var frampå og sette inn 1-0, medan Daniel like etterpå satte inn 2-0 på straffe. Så jamna spelet seg litt meir ut og Odda kom meir med i kampen. Sjølv om dei ikkje klarte skapa dei heilt store sjansane, fekk dei ei litt heldig redusering midtvegs i omgangen. Men gutane jobba godt, og fortsatte det gode spelet, og det var difor ikkje ufortent at Lars satte inn sitt andre for dagen før pause.

Etter pause mista vi litt av banespelet og Odda var farleg frampå fleire gonger. Vi klarte ikkje å halda ballen langs bakken, og vart for unøyaktige i pasningane våre. Odda klarte difor å setja 2 ballar i nettet bak Torstein. Vi klarte å heva oss litt mot slutten av omgangen, men sjølv om vi klarte å skapa eit par gode målsjansar klarte vi ikkje å setja ballen i mål. Torstein rydda i tillegg opp eit par gonger der Odda var åleine gjennom, så alt i alt vart det eit rettferdig resultat.

Vi såg tydeleg at det var uvant for gutane å spele 11erfotball. Men det vart ei god treningsøkt mot eit bra Odda-lag, der gutane la ned ein stor innsats.

- OSA og Tore


	Tilbake