Jamnt oppgjer

God kamp av Triojentene mot sterke Rosendal/Uskedal. Arkivfoto: Helge Sunde.

J13: Trio1-Rosendal/Uskedal 1-2. Det vart eit overraskande jamnt opgjer mellom desse to laga. Rosendal og Uskedal har denne sesongen slått seg i lag, og me visste at me kom til å møte eit sterkt lag. Men Triojentene beit godt i frå seg.

Trio 1-Rosendal Uskedal, 18/4 på Kvednabekkjen
Dommar: Isaac Jørgensen
Mål Trio: Sofie Lillesand

Scoring ved Sofie.

Det vart mykje kniving på midtbanen. Triospelarane var tett på Rosendal gjennom heile første omgang, og hadde i periodar godt pasningspel heilt i frå forsvar, midtbane til topp. Me ser framleis at ein har potensiale til å utnytte rommet på banen, og at ein må læra seg å bruke sidene i spelet opp mot motstandarane.
'
På slutten av første omgang løsna det for Trio, og etter ein krempasning frå Ida til Frida og vidare til Sofie, scora Sofie og tok Trio 1 opp i leiinga.

I andre omgang var det nokre særs ivrige Rosendal-Uskedalsjenter som ville revansjere seg. Dei pressa på Trio målet, og utlikna snart til 1-1. Etter over halvspelt omgang kom 1-2 scoringa, og Trio jentene vart noko passive, og rota det til for seg sjølve på midtbanen.

Cecilie, Anni og Else framsto som som særs solide i forsvar, og Trine kriga godt på venstre midtbane i dag. Me er særs nøgd med at jentene jobbar iherdig med å prøve å få til eit godt spel, og ikkje berre mose ballen mot mål. Det vert heilt klart ein spanande serie. Me ser fram i mot fortsetjinga.

- Siri Rusten


	Tilbake