Stortap for smilande lillejenter

J12: Solid-Trio 12-3. Trio sine 12 år gamle jenter spelte tirsdag kveld sin første seriekamp i lag - knappe 2 månader etter at laget blei etablert. Eit Solidlag, med den tidlegare Bjoa- og Stordspissen Henning Bjelland som trenar, har spela i lag sidan 1. klasse, har i år gått ned fra 2 til ett lag og blei noken hakk for sterke på kunstgraset på Nysæter og sluttresultatet vart til slutt 12-3. Noko anna var heller ikkje å forventa med dei forutsetningane.

Kanonskudd av Luwam.

Om resultatet vart litt skeivt, gjorde ikkje jentene seg vekk på noken måte. Dei jobba og stod på til siste slutt og prøvde heile tida å spele fotball. Forskjellen på laga var nok mindre enn 9 mål. Om vi hadde vore opptatt av resultatet kunne vi sparka langt ut og unngått mange av måla. I staden starta vi bakfrå 100% kvar gong for å trena på å spele fotball. Vi gjorde ein stor feil i dette og den gjentok vi gjennom heile kampen og resulterte i 7-8 av måla til Solid. Feilen vi gjorde - og som vi kjapt skal få luka vekk - var at etter backen mottok ball fra keeper, blei nasa vendt inn mot midten og ein søkte konsekvent å sentra inn sentralt. Der sto ofte 3 Solidjenter mot ei Triojente - klare til å hogga til. Formasjonen var nok heller ikkje den beste for å trena på dette, 2-3-1 som vi spelte kunne nok vore bytt ut med 3-2-1 for å demma bedre for dette, men det betyr svært lite i denne årsklassen.

To mål av Ida.

Ida og Luwam viste litt ekstra framover på banen og profiterte på at dei har vore med J13 litt før. Vi scora 3 fine mål, 2 gjennomløp av Ida og ei kanon frå Luwam. Mari og Madel stod ein omgong kvar i mål og gjorde sine saker veldig bra. Fleire flotte redningar på begge to. Ellers gjorde alle ein super innsats og alle var like blide etterpå - slik skal det vera! Litt uro i troppen når kun 1 bil stoppa på REMA1000 på Heiane, ellers full harmoni :)

Flott keeperspel av Mari.

Vi var enige om etter oppgjeret i dag at vi skal vera på høgde med Solid innen 1 år. Då er det seriespel med tabell for desse jentene. 3-12 tap er uansett eit perfekt utgangspunkt for vidare læring, utvikling og forbedring. Det kan i den forbindelse nevnast at jentelaget (dagens J16) som vart kretsmeistrar i januar som 16-åringar og vann 1. div Rogaland J16 som 15-åringar, tapte sin første kamp som 13-åringar med 0-4 mot Rosendal for litt over 3 år sidan...

Flott keeperspel av Madel.

Neste dyst for 12-åringane blir om ei veke på Kvednabekkjen når Stord kjem på besøk. Før det skal dei ett år yngre lagvenninnene på J11 i aksjon mot Rosendal på samme bane (torsdag 17.15).

Trio sitt lag:
Mari B. Helvik, Madel G. Gausvik, Synna H. Gjerding, Sandra Støle, Oliwia Chlebowicz, Gina E. Lindås, Synne H. Lee, Siren K. Rusten, Ida E. Brix, Luwam Tella, Nadine Morstad.

- Karen Anne (lagleiar) & Per Einar (trenar)


	Tilbake