Skikkeleg nederlag på Halsnøy

J13: Halsnøy-Trio 6-1. Som vanleg er jentene særs forsiktige i byrjinga av kampen, og når ein møter på eit Halsnøy-lag som er svoltne på revansj etter tap mot Rosendal, kan me ikkje starte kampen med å kvile middag.

Dei første 15 minuttane stod trenarane og grein på sidelinja, men så vakna jentene til liv. Etter 3 baklengsmål på 14 minuttar, så tok forsvaret meir ansvar, og klarte å la det vera med tre baklengs i første omgang. Midtbanen sleit med å finne fram til det gode spelet, og vart stadig overumpla av ivrige og flinke Halsnøyjenter.

I andre omgang gjekk Halsnøy igjen hardt ut, og 10 minuttar ut i omgangen låg Triojentene under 0-5. Igjen tok jentene meir tak, og etter 20 minuttar hadde me ein kjempesjanse aleine med keeper, men ballen gjekk rett utanfor mål. I det 27. minutt var det eit flott veggspel mellom Sofie og Emily, som ga Sofie kjempeopning og endelig vart det eit Trio mål, 5-1. Nokre minuttar seinere scora ivrige Halsnøyjenter igjen, og kampen enda til slutt med stortap 6-1.

Som trenarar har me nokre utfordringar knytta til å arbeide med jentene i forhold til innsats, teknikk og presisjon. Me får riste dette av oss og sjå fram i mot neste trening og kamp.

Referent: Sure Siri :-)


	Tilbake