Tafatt gutekamp

Vebjørn var banens beste.

Det var lite som fungerte før pause og gutane virka tafatte over heile fjøla. Så også i eigen 16-meter, der Odda fekk gå i føring med to frisparkmål som lett hadde vore unngått med litt meir besluttsamhet. Elles ein vindfull dag på Kvednabekkjen, og då svarar det seg ikkje å spele mykje opp i lufta. Det var mykje slurv i avleveringane og lite vilje og initiativ utan ball.

Solid kamp av Mikal.

Etter pause tok Trio/Halsnøy meir tak i kampen, men noko veldig trøkk offensivt vart det ikkje før midt i omgangen. Ei redusering gav litt blod på tann. Patrick vann ballen høgt i banen, Sander D flikka vidare og Marcus styrte ballen kontrollert i langhjørnet med venstreslegga.

'

Ti minutt før full tid kom også utlikninga, då Vebjørn smelte til frå 25 meter. Ballen fauk inn over ein sjanselaus Oddakeeper.

Sander frå G14 debuterte på G16 med eit godt innhopp.

Den store sluttspurten vart avbroten av eit gulkort og i dei 5 straff-minutta var Odda veldig nære å avgjere. Både åleine mot keeper Vebjørn, som redda, og med eit stolpetreff frå tre meters hald. Håvard kunne også avgjort med eit godt skot mot vinkelen på overtid, men keeper var med på notane.

'

Ein kunne vel venta litt meir av gutane enn det dei fekk til i dag. Litt for lite guts og driv, laget var litt baktungt og det mangla litt i både duellar og pasningsspel. Keeper Vebjørn og stoppar Mikal var dei som gjorde mest av seg i kveldens kamp.

Kampfakta frå Kvednabekkjen

G16: Trio/Halsnøy2-Odda2 2-2 (0-2)

0-1 (10 minutt)

0-2 (18 minutt)

1-2 (58 minutt) Marcus Størksen

2-2 (70 minutt) Vebjørn Holmedal

Tilskodarar: Vel 20

Dommar: Geir Inge Myrvold, Eikelandsfjorden

Gult kort: Håvard Vågen, Mikal Øvstebø og eitt til Odda

Trio/Halsnøy sitt lag:
Vebjørn Røssland, Tobias Tvedten, Sander Eik Vevik, Mikal Øvstebø, Rasmus Eik Sjo, Oliver Lygresten, Patrick Solheim Fjelland, Marcus Størksen, Håvard Vågen, Sindre Benjaminson (Sander Dolonen Brækken frå 55 minutt), Eirik Alexander Warberg (Vebjørn Holmedal frå 25 minutt).