God stemning trass tap

Espen var vår bestemann.

Underteikna rakk ikkje heim frå reise i forkant, men måtte hoppe på bussen på Stord, og då var sjåfør Are Uppheim og gutane godt i gong med å løfte stemninga i taket. I fjor tapte vi 20-1 på Bremnes, så i så måte må vi sjå framgongen. Det vart 5 mål i kvar omgang og ingen grunn til sure miner etter kamp. Stemninga i bussen var like god då også. Det gjer noko med ein trøtt stakkar å måtte høyre på 13 gutar i stemmeskiftet synge av full hals på moderne skrotmusikk. At dei berre delvis kan teksten, var visst ikkje noko hinder :)

Artig for oss å få sleppe til på gras, det er vi ikkje vane med. Men i følge gamle heltar er det det som er ekte fotball. Vi starta kampen greit, men fekk etter kvart eit visst trøkk i mot oss frå dei noko raskare bømlingane. Vi sto godt i mot i periodar, men vart og litt for snille i duellane, noko som litt for ofte gav motstandaren høve til å spele fram raske spissar i bakrom. Slik kom dei fleste måla før pause.

I pausen snakka vi litt om det og klarte å heve aggresiviteten meir og hindre at dei fekk spele så fritt gjennom. I periodar fekk vi også løfta vårt eige spel og hadde fleire gode sjansar utan å lukkast. I staden fekk vi eit par mål i mot på raske og gode kontringar i mot. Jaja, framgongen tek vi med oss.

Flott kamp i mål av Anders.

Anders gjorde ein god kamp i mål i Vegar sitt skadefråver. Elles var Espen vår bestemann i går med beinhard innsats og vilje i duellane. Hadde alle dei andre bretta opp ermene og trødd til like mykje i kvar ein duell, hadde vi kome betre utav det. Nemner og Edvin, som viser fin utvikling og får til stadig meir.

' 

Trio sitt lag:

Anders, Yonas, Mathias, Ole Martin, Edvin, Gaute, Simen, Espen, Samson, Daniel, Benjamin, Vegard F, Robin.

- Trenar Are Ulseth