One of those days

Litt tam førsteomgang der vi ofte brukar litt for mange touch offensivt i staden for å la ballen gå. Defensivt har vi noko lunde god kontroll, utanom at vi brukar litt for lang tid på å vera uoppmerksame på daudballar og stopp i spelet. Det gav oss også eit baklengs, der vi skulle rygga lenger tidlegare og unngått ein ball i bakrom.

Flott kamp av Ole Martin, som også skapte godt trøkk framover då han vart flytta opp på midtbanen.

Bortelaget startar med kjapt å gå opp i 0-2, men etter kvart kjem vi meir og meir inn i det og blir meir besluttsame i både duellar og angrepsspel. Og då skapar vi mykje, Benjamin drog seg fri på venstre og slo hardt inn. Synd at Anders hadde klipt tåneglane i dag, elles hadde det vore scoring. Så hamrar Ole Martin ein ball i stolpen og ikkje lenge etter har han eit nytt raid med skot, som keeper reddar meisterleg på. Etter ein corner var det reinaste kanonaden i feltet og kaos var det også då Benjamin dribla seg innover og det vart det reinaste møljespelet inne i femmeteren. Men ballen ville ikkje i mål. Det ville den rett nok då Samson kom inn på bakre stolpe og møtte eit innlegg, men vi vart hårfint blese av for offside av kampens stødige dommar, Preben Heimvik.

Dermed ebba kampen ut med 0-2. Nye sjansar kjem tett, Trio2 skal til Stord på fredag og Trio1 til Fitjar på søndag.

Kampfakta frå Kvednabekkjen

G14: Trio1-Trott2 0-2 (0-1)

0-1 (14 minutt)

0-2 (37 minutt)

Tilskodarar: 17

Dommar: Preben Heimvik

Ingen kort.

Trio sitt lag:
Vegar Teigen, Jonas Teigen, Ole Martin Byrknes, Mathias Gjelseng, Vegard Fausk, Simen Hellevik Lie, Espen Aakre Sjo, Benjamin Skarveland, Samson Nyrud Uppheim, Anders Solheim Dyrhaug, Robin Steinsletten.

- Trenar Are Ulseth