Teke på tempoet

Vi var klare over styrkene til Solid og prøvde å mønstre raske karar på backen. Men raskaste vingen deira sprang like raskt med ball som vår raskaste utan. Då skal det godt gjerast å stoppe han. Særleg når største problemet vårt var at vi ikkje klarte å hindre midtbanespelarane i å forsyne hurtigtoga med ballar i bakrom.

Det sto 0-3 til pause etter at vi hadde levert ein litt for passiv førsteomgang med mykje slurv og balltap. Vi var enige om å heve nivået etter pausen og det klarte vi også. Då var vi på høgde med Solid, sjølv om dei nemnte angriparane også då kom til ei handfull sjansar. Men det vart med den eine tidlege scoringa deira.

Utover i andre omgang fekk vi til stadig meir offensivt spel og let ballen til tider gå fint i laget. Nokre store sjansar vart det også, men ikkje nok til å få ballen i nota. Dermed sto det 0-4 då kampens stødige dommar, Marcus Størksen frå Halsnøy, blas av kampen.

Dette var siste vårkampen. No gjeld det å trene godt fram mot Ål Cup på tampen av sommarferien. Vi satsar på å ha treninga heile sommaren gjennom, så sant ein av trenarane er heime.

Trio sitt lag:
Vegar Teigen, Ole Martin Byrknes, Mathias Gjelseng, Espen Aakre Sjo, Benjamin Skarveland, Eirik Kjerpeseth Rusten, Simen Hellevik Lie, Edvin Vågen Bjørgvik, Gaute Thorkildsen, Samson Nyrud Uppheim, Daniel Sørtveit, Vegard Fausk, Robin Steinsletten, Anders Solheim Dyrhaug, Marcus Nilsen Mathisen.

- Trenar Are Ulseth