Norway Cup

Norway Cup er eitt av sommarens høgdepunkt og Trio er i år representert med 4 lag. Her på nettsida blir motstandarane til laga presentert fram mot turneringsstart komande helg. Og vi satsar på liveoppdatering på Facebooksida vår, frå alle kampar der våre lag er involvert.

Som nemnt har vi 4 lag med, men berre eitt er i rein Trioregi, og det er J16. Dei stiller i klasse R, 11arfotball. Juniorlaget, Trio/Rosendal/Halsnøy G19 er i serien administrativt styrt av Trio, men på Norway Cup er det Rosendal som har dette. Ergo må ein søke på Rosendal på Norway Cup sine nettsider eller app, om ein vil finne resultater undervegs.

Likeså er G16-laga Trio/Halsnøy i serien administrert av Trio, men under Norway Cup i regi av Halsnøy. Her deltek vi med to 7arlag, då vi har 20 spelarar som skal på tur. For oss som er sultefora på fotball er det elles råd å sjå laga i treningskamp i morgon tysdag på Husnes stadion. Då spelar begge lag mot Rosendal sine 2 lag, frå kl 18.

Lag og puljer

Som nemnt skal vi kort få presentert laga og motstandarane i innleiande puljer fram mot turneringa startar. Avreise er laurdag og kampane på Ekebergsletta og omegn startar dagen etter. Trio og Halsnøy har felles storbuss som transporterer G16- og J16-laga til klubbane. Juniorlaget vårt reiser med Rosendal sine bussar.

Liveoppdatering

Vi satsar på å få daglege rapportar til nettsida vår, men undervegs i kampane blir det på Trio si side på Facebook at liveoppdateringa føregår. Søk på IL Trio. Som i fjor har vi fått nokre premiar frå vår hovudsponsor Sparebanken Vest, som vi vil trekke ut blant dei som følgjer oppdateringane (trykk på 'Liker' eller kommenter).


	Tilbake