I morgon brakar det laus

Då er våre lag på plass i Oslo klare til Norway Cup, og dei satsar nok på å gjere seg gjennomvåte ved å få med seg opningskonserten i ausande regnver. Vonleg betrar veret seg i morgon, for då startar kampane. Vi køyrer liveoppdatering av alle våre kampar. Les her tidspunkta.

I morgon søndag har alle våre 4 lag kvar sin kamp, og felles for dei alle er at det ikkje er på Ekebergsletta. Dette er dagen då ein skal ut i distriktet. Grisgrendte strok, rett og slett!

Warhel Suleman.

Mhp oppdatering blir det ei økt frå kl 09.55, då begge G16-laga spelar kamp. Så blir neste økt først til kvelds. Då spelar J16 kl 17.30, og så G19 straks etterpå (kl 18.30). Mest spesiell blir gjerne dagen får G19-midtstoppar Warhel. Juniorane skal nemleg møte Kurdistan FC, som var i finalen i fjor. Warhel kjem opphavleg nettopp derifrå.

Elles skal G16 lag 1 møte eit brasiliansk lag og det skal bli ei beintøff oppgåve. For brasilianarane, that is. Vi reknar med våre gutar gjev brassane ein dugeleg leksjon i god fotball.

Kampane i morgon, søndag 26.juli:

09:55 G16 Trio/Halsnøy2 - Re FK (bane BE4 på Bjølsen)

09:55 G16 Trio/Halsnøy1 - Campo Redondo (bane VE5 på Valle)

17:30 J16 Trio - Skjold IL (bane B3 på Bjølsen)

18:30 G19 Kurdistan FC - Rosendal/Trio/Halsnøy (bane F2 på Furuset)


	Tilbake