Norway Cup - onsdagens kampar

Trio J16

Jentene møtte Bossmo&Ytteren frå Mo i Rana til første kamp i B-sluttspelet. Kampen gjekk på ein veldig gjørmete bane på Bjølsen, før det har vore ein god del nedbør i dag. Trio var det beste laget og vann fortent 1-0 etter scoring av Synne Eide Bjørnebøle. Men også motstandaren hadde sine sjansar, blant anna leverte keeper Lea Sofie Dalland ei vanvittig eihandsredning i andre omgang. Med dette skal jentene spele 1/16-finale seinare i dag. Surt å ikkje kome til A-sluttspelet, men å kunne ta seg eit stykke i B-sluttspel kan bli eit plaster på såret.

1/16-finale kl 19.30 på bane A4 på Abildsø: Bangsund-Trio J16.

Bangsund slo Vind2 med 1-0 tidlegare i dag. Bangsund tok kun eitt poeng på 4 innleiande kampar. Blant anna tapte dei 4-0 for Mathopen og 3-0 for Skjoldar.

Trio/Halsnøy G16 lag 2

Gutane imponerte veldig med solid siger mot Tromsø i går og full pott i innleiande pulje. Med det er dei klare for A-sluttspel og med tilnærma reint 15-årslag skal det noko til å kome langt der. Men vi møter ein puljetoar i første kamp, så her er det moglegheiter.

Det er heldigvis ikkje alltid storleiken det kjem an på.

A-sluttspel 1/16-finale kl 18.25 på bane E11: Nordreisa2-Trio/Halsnøy2

Nordreisa frå Troms vart nr 2 i si pulje bakom overlegne Torvastad (1-2 mot dei). I fjorårets heimlege seriespel i G16 vann Trio/Halsnøy 4-2 over Torvastad.

Trio/Halsnøy G16 lag 1

Var suverene i gruppespelet med 4 strake sigrar og 21-3 i mål. Men har fått ei tøff trekning, der vårt lag og brassane skal opp mot nr 1 og 2 i pulje 10. Det var fleire av oss som såg gruppefinalen der i gårkveld, særs gode Hammerfest/Stein (18-0, 20-0 og 6-1) mot Al-Shabab frå Libanon, som hadde enorm fysikk på sine spelarar. Halve laget hadde heilskjegg og brystkasser av stål, så det var råd å undre seg om desse verkeleg berre er 16 år. Men sportleg kom dei til kort mot finnmarkingane og det er ikkje umogleg for våre gutar å vinne denne. Men blir artig å sjå vetle Daniel Normann (13) handhelse på til dømes karen på biletet her.

Daniel (13) treng ikkje ta skjegget så ofte enno.

A-sluttspel 1/16-finalen kl 19.20 på bane RE6 på Rustad: Trio/Halsnøy1-Al Shabab Lebanon

Libanesarane har i innleiinga vunne 14-3 mot VanKam, 8-0 over Bergen Nord1 og altså tapt 6-1 for råsterke Hammerfest/Stein. Og så vann dei 11-3 over Njardar/Tysnes i 1/32-finale før i dag. Vi kjenner Njardar godt frå seriemøter med toarlaget vårt (vi har vunne 2-1 og 3-1).

Trio/Rosendal/Halsnøy G19

Juniorlaget var veldig uheldige i går. Sigeren var i lomma etter 2-0 mot Lillestrøm eit stykke ut i andre omgang, men Tippeligaklubben kom att og klarte 2-2 heilt på tampen. Dermed vart det berre B-sluttspel på våre. Første kamp går i kveldingen.

B-sluttspel 1/16-finale kl 20.30 på bane 14 (Ekeberg): Kvinnherad- Fana2

Kvinnherad møter vinnaren av kampen Fana 2 og Huk, som spelar midt på dagen i dag. Huk har tapt alle sine tre innleiande kampar, mellom anna 10-0 for Åsane, som vi skal møte i serien i haust (rykka ned frå 1.div). Fana 2 er det ikkje godt å bedømme. Dei har 3 lag i serien, mellom anna Hordalands beste G19-lag. Men lag 2 og 3 har begge plassert seg beskjedent i 3.divisjon i vår. Her i Norway Cup har dei 3 tap i ein tilsynelatande middels gruppe.

* Tillegg: Motstandar blir Fana2, som vann 2-0 over Huk.

Kampane blir oppdatert etter beste evne på Facebooksida.