God prestasjon mot velspelande Stordlag

Kampen starta med Stordovertak, men etter kvart klarte vi å kjempe oss meir inn i det og få tak i ballen meir. For i starten vart vi stressa og klarte sjeldan å få til mange trekk. Vi snakka om å kome tett oppi motstandaren og halde formasjonen godt defensivt, og det klarte vi greit, i allefall til tider. Vi kan vera enda tøffare og enda meir oppi, men nekta i allefall Stord i å kome til mange store sjansar. 0-0 sto seg til pause.

Særs god andreomgang av Ole Martin.

Vi hadde første store sjansen etter pause, då Mads kom gjennom, men keeper varta opp med ei flott eihandsredning. I staden gjekk Stord i føring på eit fint angrep. Her var vi på etterskot. Nok ein gong klarte vi å heve oss etter å ha vore bakpå i starten av omgangen og andre halvdel vart betre enn den første. Litt tøffare og med litt meir tru på at vi sjølv kunne få til noko. Ein god sjanse for oss på tampen også, då Eirik fann Samson føre mål, men dommaren blas for offside idet keeper også redda. Men også i denne omgangen nekta vi Stord store sjansar og det skal vi ta med oss.

Trioen Ole Martin, Tarmo og Sander gjekk føre med strålande innsats i dag, og blir beløna med å spele for G16-2 på torsdag. No har vi sjølv kampfri til måndag, men derifrå er det 5 kampar på 9 dagar, så det er mykje å henge fingrane i :)

Kampfakta frå Kvednabekkjen

G14: Trio1-Stord3 0-1 (0-0)

0-1 (40 minutt)

Dommar: Preben Rød Heimvik

Ingen kort.

Trio sitt lag:

Tormod Sund Vårdal - Ole Martin Byrknes, Mathias Gjelseng, Tarmo Tars, Eirik Kjerpeseth Rusten - Sander Dolonen Brækken, Simen Hellevik Lie, Brynjar H. Gjerding - Gaute Thorkildsen, Samson Nyrud Uppheim, Martin H. Arnesen - Jonas Teigen, Espen Aakre Sjo, Anders Solheim Dyrhaug, Mads Jørgensen.

Bytter:

25 min: Jonas/Espen/Anders/Mads for Eirik/Mathias/Samson/Simen.

52 min: Eirik/Mathias/Samson/Simen for Gaute/Anders/Martin/Brynjar.

63 min: Anders for Mathias.

- Trenar Are Ulseth