Ufortent tap i god avslutningskamp

Jentene responderer frå start av i kampen. Dei kjempa som løver og viste at dei var reist til Haugesund for og vinne. Spelet foregjekk på banehalvdelen til Nord med eit gjennomført høgt ballpress frå Trio laget. Målsjansane er der, men ikkje uttellinga. Etter ca 20 min blir Ester sparka stygt ned og midtbanegeneralen kan ikkje fortsetta (blir sendt på legevakt, deretter til sykehus på røntgen). Med Ester ute, som hadde vore god på midtbanen som alltid, blei det ein del endringar i laget. Nordspelaren fekk ingenting for episoden anna enn eit frispark i mot. Påfølgande frispark blir slått inn i Nord sin 16 meter, der Nord handsar. Dommar blåser, men trekk heilt uforståelig ballen utanfor 16 meteren. Vi har sjølve hatt 4 gule kort (5 min) siste 2 kampane og det er klart at desse 2 situasjonane i dag med tilhøyrande dommarvalg nok kunne vore med og gitt kampen eit anna utfall. Resten av omgangen er lik, vi presser men får ikkje ballen i mål. Lea reddar eit skudd fra 25 meter, ellers er ho ikkje borti ballen.

Andre omgang er mykje lik den første. Høgt press frå oss og vi styrer kampen. Dette gjer som alltid rom for kontringar og den kjem. Ein kjapp Nord-spiss spring inn 1-0, til dei grader mot spelets gang. Men jentene gir ikkje opp og står på og kjemper, men det vil seg ikkje. Nord får også ein kontring til mot oss, men den redder Lea.

Jentene gjer ein kjempeinnsats gjennom heile kampen. Vi vinn sjansestatistikken 12-3 og det seier mykje om kampbildet. Trenarane følte med jentene etter kampslutt, jobben som vart lagt ned hadde fortent 3 poeng som belønning. Sånn blei det ikkje denne dagen, men alle kan vera stolte av prestasjonen i siste kamp!

Odda tapte for Bremnes og kom bak oss på tabellen. Kopervik er 5 poeng bak oss, men har 2 hengekampar og med 6 poeng blir dei nummer 2 og vi nummer 3. Avgir dei poeng blir det andreplass på oss.

Då gjenstår bare vår tradisjonelle avslutning på Triohuset, den er beramma til 5/11 og då skal vi mimra og feira 4 fantastisk fine år i lag med mange flotte prestasjonar og øyeblikk.

Trio sitt lag:

Lea S. Dalland, Hedda S. Tangstad, Mariel M. Madsgård, Madel H. Gjerding, Synne T. Nissestad, Henriette Skarveland, Marie Normann, Ester Djuvstad, Vilde Teigen, Sofie Lillesand, Jannike Røssland, Susanne Kabbe, Lisbeth V. Solberg, June E. Pedersen.

- Ørjan, Jan Olav og Per Einar