Jamnspelt treningskamp

Praktmål av Alex.

Smågutane tek steget opp på G16 neste sesong og det er god matching for oss å få brynt seg litt på storvokst motstand. Vi gjekk likevel freidig til verket. Diverre var vi keeperlaus i dag, og ros til Mathias som tok ansvar med hanskane på. Og til Simen, som gjorde det same siste 20 minutta av kampen. Mathias klarte seg særs godt og kunne lite gjera med Alexander sitt perlelangskot i starten av kampen. Den fauk inn heilt oppe i vinkelen.

Strålande kamp av Tarmo.

Men elles hang vi bra med og gjorde ein framifrå defensiv jobb. Espen måtte ut med hanglande kne før halvtimen var gått, men Ole Martin gjekk ned i midtforsvaret og gjorde ein strålande jobb i lag med banens ubestridte einar, Tarmo! Backane jobba også godt, og vetle Yonas klarar seg imponerande godt mot mykje større motstand. Også midtbanetrioen leverte ein særs solid og pliktoppfyllande kamp defensivt.

Solid kamp av Marcus.

Offensivt kunne vi vore meir presise, men utover i omgangen skapte vi ein del sjansar. Etter at Loc nikka i stolpen på ein corner, var det vår tur då Simen traff vinkelen og ut då han skar inn frå høgre. Og mot slutten av omgangen hadde vi ein kanonade, der både Simen, Daniel og Marcus var nære utlikning. Men 1-0 sto seg til pause.

Redusering ved Daniel, som leverte ein god kamp på topp.

I pausen konstaterte vi at vi var godt nøgde med den defensive jobbinga og dette skulle vi gjenskape. Litt forbetringar framover, så ville det løysne der også. Vi var nære på då Gaute avslutta på keeper og Marcus sette returen utanfor. Men i staden kom 2-0 ti minutt før slutt, på eit uheldig sjølvmål. Men kort etter fekk vi ei fortent redusering. Mathias fekk siste 20 minutta på høgrekanten etter lang og tru teneste som keeper. Han skar inn frå sida og la inn. Der skaut Gaute nok ein gong så keeper redda, men Daniel var framme og sette returen kontant i nota. I dag fekk vi indreløparane på løp inn i målfeltet, og då kjem målsjansane! Og måla! :)

2-1 heldt seg til kampens stødige dommar, Marius Quam, blas for siste gong. Ein prestasjon vi på G14 skal vera godt nøgde med. Vi held fram med 2-3 treningar i veka framover :)

Kampfakta frå Kvednabekkjen

G16-3 - G14  2-1 (1-0)

1-0 (4.minutt) Alexander Johnsen

2-0 (69 minutt) sjølvmål

2-1 (72 minutt) Daniel Sørtveit

Stakkars Sander (sjuk) fekk berre sjå på.

G14 sitt lag:

Mathias! (Simen!!), Yonas, Tarmo, Espen, (Samson), Eirik (Vegard F), Marcus, Ole Martin, Gaute, Simen, Daniel, Benjamin.

Ivrig supporter: Sander (sjuk).

'

G16-3 sitt lag:

Sindre, Tommy, Preben, Mads, Håvard, Loc, Eirik, Mathias, Alexander, Dion, Isaac, Sebastian, Tristan, Imam.