Fotball i 14 timar

Sølvvinnar Odda Rød.

I G14-klassen var 7 lag med og det betydde 4 innleiande kampar til kvart av laga. Her var Trio sine to lag best, begge med 4 strake sigrar. Odda fekk også med to lag til semifinale, etter at alle dei tre laga deira endte på 6 poeng og målskilnaden avgjorde innbyrdes rekkefølge. I semifinalen var Trio 2 overlegne, medan Trio 1 spelte jamnt med Odda rød. Her vart det til slutt uavgjort, og Odda vann 1-0 i antal corner. I finalen var Trio 2 eit hakk betre og vann 3-0.

Odda 2 vann jenteklassen.

I jenteklassen var det 8 lag med og her kom ingen av Trio sine to lag til semifinale. Det gjorde derimot Rosendal sine to lag, som til og med møttest i semifinale. Den vart avgjort på antal corner, medan Odda 2 slo Halsnøy 2-0 i den andre semifinalen. Finalen vart jamn og spanande og etter at Rosendal/Uskedal 7 Girls tok leiinga, utlikna Odda 2. Det endte 1-1 og Odda vann på antal corner.

Harding vann G13-klassen.

Så var det G13-klassen sin tur. Her var det heile 11 lag med, 6 av desse frå Trio. Heile 4 av våre tok seg vidare til kvartfinale, men der rauk samtlige ut i tur og orden. Dermed vart det Harding som slo Halsnøy 3-0 i eine semifinalen, før Odda 3 slo Odda 1 heile 5-1 i den andre. Hardinggutane hadde sett sterkast ut til då, og hadde kun vore truga i kvartfinalen, der Trio Husnes 2 bydde dugeleg motstand. Harding var difor også favorittar i finalen og tok oppskriftsmessig leiinga 2-0.

Sølvvinnar i G13, Odda 3.

Men Odda 3 hadde meir på lager og både reduserte og utlikna. Utlikninga var sågar dagens mål, med ei perle i vinkelen. Likevel vart det Harding som fekk største pokalen, etter 3-2 på corner. Jamnare går det ikkje an å få det.

' 

Finalelaga er neppe heime til midnatt og mange takk til arrangørstaben som sto på gjennom ein lang dag. Som vanleg gjekk turneringa særs velsmurd føre seg.