Nytt medlemsregister: Viktig info

IL Trio skal ta i bruk eit nytt medlemsregister og eit system som kan senda ut varsel om betaling av medlemspengar og avgifter. Det er lovpålagt med eit slikt register. Oppdaterte medlemstal er og ein føresetnad for rett tildeling når stønader skal fordelast.

Dei mest sentrale modulane som skal takast i bruk er:

1. Klubb Admin: Idrettslaget sitt verktøy for å administrera medlemene.

Oversikt over medlemene og alle nivå/grupper i laget
Innkreving av kontingent og avgifter
E-post/sms til medlem/føresett

2. Min idrett: Medlemene sin inngangsportal

Innsyn i lagra opplysningar om deg
Personleg side – enkel oppdatering
Søkje om medlemskap
Betala medlemskontingent og andre avgifter
Påmelding arrangement og kurs
Oppretta familierelasjoner

Dei næraste vekene vert det innhenta nødvendige medlemsdata. Gruppeleiarar, lagleiarar, trenarar og medlemer må her hjelpe til. Når du er registrert, kan du sjølv vedlikehalda dine medlemsdata ved å logga inn på Min idrett.

Om du ikkje får gitt medlemsdata til gruppeleiar, lagleiar eller trenar, eller du er ny medlem, kan du gje inn medlemsdata her: Registreringsskjema.

Vi ser fram til eit godt samarbeid mot eit nyttig og nødvendig verktøy for administrering av Trio-medlemene.

Her kan du finna meir informasjon:
https://itinfo.nif.no/Min_idrett_Brukerveiledninger#Om_Min_idrett

Triostyret, Knut Prestnes (leiar)

_{* Publisert 16.02.2016, dato blir fortløpande endra for at saka skal ligge øvst på sida.}


	Tilbake