Ikkje all verda

Som reint 15-årslag i år og førsteårs gutespelarar sliter vi som venta litt med å ta steget opp frå G14 til ein meir fysisk gutefotball. I førsteomgangen i kveld får vi lite til av det vi har øvd på og det vi skulle fokusere på. Baklengsmål i første minutt tek vekk noko av trua og Odda aukar om lag kvart tiande minutt utover i kampen.

Pausepraten går mest på at vi kan betre enn dette. Vi må byrje å snakke kvarandre gode, trø til og rose kvarandre for dei gode tinga vi gjer. Meir fokus på å gjere det enkelt, gode pasningar til kvarandre og rope meir for å få betre samarbeid. Det fungerte i allefall betre etter pause enn før. Odda får eit tidleg mål, men elles held vi godt tett bakover utanom eit straffemål og eit nytt baklengs minuttet etter den.

Espen er som vanleg sterk i midtforsvaret, og innlånte Preben kjem inn på backplass i andre omgang og gjer ein god figur der. Sander går i bresjen og jobbar som ein helt, og setter ein standard resten burde henge seg på. Offensivt får du til meir om du gjer det enklare :)

Tormod er solid i mål og Samson viser fine tendensar med å finne medspelarane i støtte.

Elles har vi meir å gå på alle mann. Nye sjansar på søndag mot Trio 2 (16-åringane), og mot Trio G14 på torsdag om ei veke. Vi har prøvd folk i forskjellige posisjonar no i treningskampane, det blir det nok meir av i desse kampane.

Kampfakta frå Kvednabekkjen

G16: Trio3-Odda2 0-7 (0-4)

Mål etter: 1, 11, 18, 25, 44, 65, 67 minutt.

Dommar: Isaac Jørgensen

Gult kort: Simen Hellevik Lie

Trio sitt lag:

Tormod Sund Vårdal, Yonas Debesay, Espen Aakre Sjo, Preben Rød Heimvik, Ole Martin Byrknes, Sander Dolonen Brækken, Tarmo Tars, Gaute Thorkildsen, Simen Hellevik Lie, Samson Nyrud Uppheim, Vegard Fausk, Mathias Gjelseng, Benjamin Skarveland.

- Trenar Are Ulseth