J12 på Trio Cup

Vi klarte å tyne 2 lag ut av ei spelargruppe på 9 jenter(!), etter at vi fekk med oss Jenny og Madel som flinke målvakter og utespelar på motsatt lag.

Emma var uheldig i første kamp og fekk seg ein smell i kneet. Etter pre-inspeksjon av Ali Meri i hallen (alltid kjekt med ein lege i nærheten), vart det tur både til legevakt og røntgen på den friske Sundejenta.

Trio J12-1.

Skaden til Emma satte ein støkk i lagvenninnene, men ikkje meir enn at dei viste fram eit forsvarsspel av høg klasse (som vi øvde masse på i fjor). Etter 6 kampar var fasiten eitt baklengsmål. I andre enden skapte vi mykje sjansar, men futsalballen er ikkje enkel å få forbi gode målvakter. Vi stoppa på 2 mål «rette vegen», der det siste mot Halsnøy nok var resultat av stor iver og litt for tidleg ballpress i «pressfri sone» (men flott prestasjon var det likevel). I 12-års klassen er det ikkje sluttspel og alle er sjølvsagt vinnararJ

Bortsett frå skaden til Emma ein super dag for jentene i hallenJ

Desse var med:

Jenny H. Lie, Ingeborg S. Hagan, Margrete N. Hillestad, Aurora N. Mathisen, June Marie S. Bjelland, Emma S. Meling, Synna H. Gjerding, Ragnhild Hauge, June S. Hammer, Leah Mo, Madel G. Gausvik

2004-jentene har i år fått med seg Synne Nissestad frå fjorårets J16 lag som trenar i lag med Bjørn Bj. Mathisen og Per Einar Gjerding. Dette har fungert heilt supert og med auke til 2 treningar i veka i år ser vi stadig framgang hos jentene. Vi er litt få i gruppa, men håpar å få hjelp av 2005-laget og kanskje ein og anna -03 modell for å klara 7-ar spel i Kvinnherad/Sunnhordland.

No gler vi oss uansett til april til «EatMoveSleep» Cup (tidligare Bendit Cup) hos Solid 17. april og til serien startar!

- Per Einar G.