Vil du administrere nettsida vår?

Trio si nettside har eksistert sidan 2005 og har utvikla seg til å bli ei velbrukt side med mykje stoff i form av omtale av aktivitetene i idrettslaget. Administrator av nettsida ønskjer avløysing og vi søkjer ein person som kan overta denne oppgåva.

Nettsida har hatt same administrator sidan oppstarten for 11 år sidan og kan ha godt av nye krefter. Det er ei høgst levande nettside med i gjennomsnitt meir enn ein ny sak kvar dag. Det er stoff frå fotballgruppa som dominerer på sida og vi har betringspotensial i å få dei andre gruppene til å bruke sida aktivt.

Nettsida er laga av iDrift og er enkel både i form, bruk og administrasjon. Opplæring vil bli gjeve.

Det du bør vera er:

Ein oppegåande person som klarar å sjå kva som er eigna å skrive på ei nettside for eit idrettslag, og kva som ikkje er det.
Ein hjelpsam person som inspirerer lagleiarar til å sende inn stoff, og hjelper dei som treng det med å legge det inn på sida.
Ein person med godt skriftspråk som og kan korrigere skrivefeil i tekst.
Ein person som har god tilgong på pc i store delar av veka. For å ha ei levande nettside, er det kjekt om referater og anna kjem raskt på nett.

Du treng ikkje å vera:

Særskildt IT-kompetent. Nettsida er enkel i bruk og lett å administrere. Det oppstår svært sjeldan feil eller problemer med sida.
Journalist. Målet er at trenarar og lagleiarar sjølve bidreg med stoff, og dette fungerer stort sett veldig bra. Om du sjølv vil og kan bidra med stoff, er det berre ein bonus.

Viss du er interessert, ta kontakt med sekretær i IL Trio, Knut Årthun.


	Tilbake