Vinterlege forfold for G13

4 mål av Henning etter pause.

Bussen gjekk frå Triohuset kl.16.00 med kampstart kl.18.30. Kampen opna ikkje så veldig bra, me slepp inn eit mål før det er gått 1 min. Det går 3 min så er me like langt når Sondre lagar 1-1. Stian lagar 2-1 etter 7 min før dei lagar 2-2 etter 18. Stian lagar 3-2 etter 20 og Erlend 4-2 etter 22. Då trudde underteikna at dette skulle verte rimeleg greitt, men ikkje i 1.omgang. Røldal både reduserer og utlikner, så laga går til pause med 4-4.

God kamp av Lars.

I pausen snakkar me om å få meir fart i ballen og spele meir fotball, slå ballen tidleg og få større bevegelse. Etter 1 min i 2.omgang er så Røldal i ledelsen, 5-4. Ein dårleg start på også denne omgangen med andre ord.

'

Men så seier Trio takk for seg. Etter 7 min i andre utliknar Henning før same guten lagar 6-5 minuttet etterpå. 7-5 kjem ved Nico etter 12 min. 8-5 ved Sondre etter 18, så lagar Henning to nye, før Steffen rundar av det heile etter 29 min og set inn 11-5.

To mål av Stian før pause.

Dette var ein dårleg gjennomført kamp reint spelemessig, men resultatmessig så har me ikkje lov å forlange så mykje meir. Det me ser er at prestasjonane må løftast mot betre lag. Me må starte kampane på ein annan måte og me må verte meir nøyaktige i pasningsspelet vårt. Ser også at det er ein del å gå på når det gjeld duellspelet.

'

Laget i dag. Andreas og Margus står kvar sin omgang i mål. Ellers så er desse spelarane med: Stian, Nicolas, Henning, Sondre, Brynjar, Steffen, Lars og Erlend.

- Trenar Eivind Nissestad