Enkel siger på Halsnøy

4 mål av Mats.

Ut frå tidlegare oppgjer og resultat så langt i serien, var dette ein kamp våre gutar skulle vinna. Oppgåva før kampen var å ha fokus på prestasjon meir enn resultat. Vera disiplinerte mot måten vi ønsker å spela offensivt og fortsette med god struktur defensivt. Defensivt gjer vi jobben og unngår for tredje kamp på rad målsjanser imot. Det er bra. Offensivt er det mykje å gå på i forhold til maks nivået. Vi var ikkje flinke nok til å holde bredde i dag og med det bidrog vi også til å ødelegga rom vi ønsker å spele i. Vi får sette det på kontoen for mindre bane og ivrige gutar som blir «trekt inn mot spelet» med ønske om å bidra og å få ball. Dette er noke vi har slitt med før og ei heilt konkret sak å jobbe med framover som forbedringsområde.

Vi har enkelte periodar i kampen med ein del bra spel. Frå 21. minutt til 31. minutt i første omgang glir spelet bra og då går vi frå 2-0 til pauseresultatet 7-0. Spesielt siste målet var flott. Presist kombinasjonsspel mellom fleire som endar med assist frå Isak til Mats som puttar. Vakkert mål!

4 mål av Lars.

I andre omgang må vi og vente lenge på å få sjå flyt i spelet. Frå 62. minutt til 69. minutt er det plutselig tid for klikk-klakk igjen. Daniel og Lars sprudlar siste 10 etter ein kvil på benken og står i all hovedsak for dei 4 måla scora i denne perioden. Her er 11-0 målet klasse med flott spel i forkant og et par dragninger fra Daniel før han triller i tomt bur. Herrrrrrliiiig!

Ser vi på dei beste periodane i dei 2 siste kampane (20min mot Bremnes sist og dei 2 over), scorar vi mål nesten annakvart minutt når vi får spelet til å gli skikkelig som vi øver på (39 minutt, 17 mål). Det kan ein sjølsagt ikkje forventa over tid, men viser samtidig potensialet når vi får til å spela slik vi øver på, med tempo og presisjon intakt. Vi må bare heim og «øv meir» på å gjera desse periodane lengre. Vi skal og ta med på plusskonto at vi har alle desse gode periodane på slutten av omgangane. Det viser at treningsjobben i vinter har vore gjort skikkelig.

Godt keeperspel av Alen.

Lars og Mats scora 4 kvar i dag og det er bra! Spelemessig har begge spissane våre imidlertid ein del å gå på i forhold til både behandling av ball og valg med ball i kampen i dag. Dei to som framheva seg mest på Trio laget i dag var Joakim og Daniel. Joakim var som vanlig sjef i forsvar og ordna på det meste opp aleine mot 3 Halsnøy gutar. Svært god sesong innledning på stoppar talentet frå Utåker som har tatt enorme steg siste åra. Daniel var som alltid sentral i mykje og viste masse flott på den fine banen til Halsnøy. God kamp igjen av den dyktige kapteinen vår! Skryt også til Alen som stod andre omgang i mål (Torstein første). Alen blei mykje involvert med ball i beina og imponerte med 100% pasningspresisjon som den einaste på laget i dag. Flott Alen!

Forsvarssjef Joakim.

Neste veke er det duka for nytt lokaloppgjer. Då tar Rosendal turen til Husnes for kamp på Kvednabekkjen tirsdag 3/5 kl. 18.30. Håpar på godt oppmøte for å sjå på eit velspelande G14 i solid vårform tilbake på full bane størrelse.

Kampfakta, Halsnøy Kunstgrasbane

G14: Halsnøy 9ar – Trio 0–12 (0-7)

0-1 (4 min) – Mats (Assist: Daniel)

0-2 (6 min) – Isak (-)

0-3 (21 min) – Mats (Daniel)

0-4 (23 min) – Mats (Isak)

0-5 (25 min) – Lars (Mats)

0-6 (29 min) – Lars (-)

0-7 (31 min) – Mats (Isak)

0-8 (45 min) – Torstein (-)

0-9 (62 min) – Daniel (Torstein)

0-10 (66 min) – Lars (Lars – via tverrligger!)

0-11 (67 min) – Daniel (Lars)

0-12 (69 min) – Lars (Daniel)

Ny god kamp av Daniel.

Trio sitt lag:

Torstein S. Olderkjær, Isak Mo, Joakim Heimvik, Magnus Tera, Martin H. Arnesen, Brynjar H. Gjerding, Daniel Normann, Lars O. Larsen, Marcus N. Mathisen, Mats Jørgensen, Tor Øyvind Grundberg, Alen Foric.

' 

Mvh Tore & Per Einar