Historisk kamp på Sunde kunstgras!

Tekst og alle foto: Ann Helen Høivik Skogseth.

No er kunstgraset endeleg ferdiglagt og fiksa på banen på Sunde og i kveld gjekk historiens første kunstgraskamp på Sunde skule av stabelen. Det var G11-oppgjeret Trio Sunde mot Trio Valen. Her er referat frå Sunde sin lagleiar, Ann Helen.

I årets første heimekamp for Trio Sunde G11, og for første gong på eigen heimebane, Sunde kunstgrasbane, møtte vi Trio Valen G11. Sunde laget har oftast trengt ein halv omgang, før dei har blitt skikkeleg varme i trøya, men i dagens kamp gav dei alt frå første minutt. Heimelaget spelte med gode pasningar, godt plasserte på banen og keeper gjorde ein framifrå jobb. Ein godt spelt kamp frå Sunde si side, med god underhaldning heile vegen.

Vi vart for sterke for Valen i dag og kampen enda 7-4. Takk til dommar Kjell Åge, for at du stilte opp.

Ann Helen Høivik Skogseth
lagleiar Trio Sunde G11


	Tilbake