Storspel av småjentene

J14: Eidsvåg-Trio 0-5. Ein knakande god kamp, solid forsvar, godt midtbanespel og giftige framføre motstandarmålet. Jentene blir bedre og bedre og me gler oss te vidare utvikling. Heia Trio!

To mål og god kamp av Jannike.

Kampen mot Eidsvåg vart spelt på grasbanen i Strandebarm. Allereie etter 6 minutt scorar Trine etter flott spel på midtbane. Jannike 2-0 etter glimrande pasning frå Frida etter 9 min. Mykje bra spel på midtbanen og glitrande samarbeid mellom Trine, Jannike og Sofie. Me er ivrige framover og kjem i fleire offside situasjonar. Etter 20 min er Kaia borti ballen for andre gong, så me pressar høgt på Eidsvåg sin banehalvdel.

Kjempesjanse etter 24 min etter godt spel mellom Maria, Malin B, Frida, Hedda og Sofie. Så vidt utanfor....
27 min Jannike, 3-0 :)

Knallspel på midten, trur me skal score, men Trine set ballen så vidt utanfor.
Etter 32 minutt, er det eit flott gjennomspel og Sofie sett inn 4-0.

Hedda gjorde ein flott innsats på midtbanen.

2 omgang:
Første 10, mykje på midten, to tre offsides. Kjempesjanse etter 11 min. Ida jobbar knallbra men keeperen te Eidsvåg reddar. Forsvaret er stødige og Maria og Cecilie EE flinke til å korrigere laget.

Kjempesjanse etter 22 min. Både Ida Jannicke og Trine slit m å score på den driftige keeperen til Eidsvåg. Etter nokre min løsnar det og Sofie set 5-0 etter 24 minutt.

Solid kamp av Cecilie.

Så får me vårt første gule kort. Ei erfaring rikare. Kunne nok vore unngått om me hadde slengt ut labben og sagt orsak...

Full kotroll bakover også i andre omgang. Keeper Kaia kjeda seg så pass at ho spurde om trenaren hadde med kortstokk :)

Spelarar: Kaia Prestnes Lind, Malin Blokhus, Malin Saug, Cecilie Håvik, Else Lovise Joleik Risa, Maria Fjellandsbø, Trine Olderkjær, Ida Stensletten, Frida Nilsen, Jannike Røssland, Hedda S. Tangstad, Christine Musland Madsgård, Sofie Lillesand.

Mål: Trine, Jannike (2), Sofie (2)

- Trenar Siri Rusten


	Tilbake