God kamp trass tap

Margrethe – sporty og god keeper i dag!

Vi hadde ingen dedikert målvakt med oss i dag. Då tok Margrethe jobben, då ho var litt redusert med forkjøling. Flott innstilling og bidrag til laget! Vi er litt avventande og nølande som vi ofte er i starten av kampane. Uten at motstandaren klarer skapa noken store sjansar på oss for det. Litt ut av ingenting er vi uheldige og lagar ein «refleks-hands» i særs farleg område. EFJ hadde ein svært god spelar som dominerte totalt i første omgang og utgjorde forskjellen på laga. Ho setter frisparket kontant i nota utagbart for Margrethe.

Mål nummer 2 kommer og på noke som normalt ikkje blir sjanse i mot. Vi er i ein duell på midten og dett. Midtforsvar er eit lite sekund meir opptatt av koss det går med lagvenninna (som jenter ofte er) enn å spela videre og plutselig ligg ballen i mål. Her må vi prøva å venna oss til å spela til fløyta går og stola på at lagvenninna får den hjelpa ho treng etter kvart. Vi får ein til i mot og går til pause med 0-3 der EFJ er særs effektive, men spelar slett ingen dårlig omgang.

Synna – kanon mål med «feil fot»

Jentene får skryt i pausen og beskjed om å passa litt ekstra på den store (også i størrelse til å vera 2004-modell) spelaren til EFJ, som på trass av at dei hadde 11-12 spelarar ikkje vert bytta ut før det står 0-4 uti sluttomgangen. Det var tydeleg viktig for lagleiinga til EFJ å vinna kampen….. (vi rullerer som vi pleier og alle får spelt rikeleg. June klagar på ein vond fot og spelar mindre i andre omgang etter eige ønske). Vi får ein ekstra spelar på 0-4 og tar over kampen fullstendig. Synna knallar inn 1-4 med venstre via stolpen (og vi tar ut ein spelar igjen) og har og ei kanon i tverrliggar på volley med høgre.

Ragnhild – flott kamp i forsvar

Dette må ha gjort EFJ urolige for plutselig er deira store spelar på banen igjen som midtstoppar for å trygga seieren. June Marie har og eit par store sjansar og vi kunne fort fått et par mål til i denne perioden. Då ville det blitt spanande også i målprotokollen. EFJ skapar ingenting resten av kampen, men får eit femte mål på ein rein tilfeldighet, der ein skruball frå duell dabbar over keeper og i mål. Andre omgang er vi definitivt bedre enn EFJ sjølv om vi tapar omgangen 1-2.

Synna bankar ballen i mål med 'feil fot'.

Jentene skal ha skryt for å aldri gje opp og prøva spela ball heile kampen. Ragnhild spelar ein flott kamp i forsvar og har og eit kanonskudd som fort kunne gått i mål. Elles var Ingeborg som alltid god å ha i midten bak, mens Synna og June Marie vann mykje duellar og var dei største truslane mot EFJ-målet. Ellinor Isaac frå J11 var med oss for første gang i dag og ho klarte seg veldig bra.

Då er vi ferdig med «første runde» av trippelserie og står med 2 seire, 1 uavgjort og 2 tap. Litt av kvart, slik det skal vera! Neste runde begynner allerede på onsdag, då tar vi imot Uskedal på Kvednabekkjen, som slo oss 6-3 i første kampen i vår. Då får vi bryna oss på store spelarar igjen….

Trio sitt lag:

June S. Hammer, Synna H. Gjerding, Aurora N. Mathisen, Margrethe N. Hillestad, Leah Mo, June Marie Bjelland, Ingeborg S. Hagan, Ragnhild Hauge, Ellinor Isaac.

- Trenar Per Einar Gjerding