Solid siger av Trio 2 - alle med sjans på A-sluttspel

Tre sigrar og ein uavgjort i dagens kampar i Oslo. J14 spelte 0-0 mot Ranheim og har gode sjansar på A-sluttspel. Både G14 og G16-1 tok sine andre komfortable siger og er klare for A-sluttspel. Trio G16-2 kan også gå dit etter 3-1 over tyske Stockum i dag .

God kamp av Mads

Trio 2 snudde kjerringa etter stortap søndag. Mot tyskarane var innsatsen på topp frå første spark og vi tok kommandoen i kampen. Nokre gode sjansar før vi fekk ein overgang, der Mathias Grindheim drog seg fri og styrte inn 1-0 med venstrefoten. Det sto seg til pause, vel fortent.

To mål av Mathias

Flott start på andre omgang med 2-0 tidleg. Lekkert veggspel mellom Mathias og Tristan. Mathias gjekk på løp og fekk att ballen i rett tid, før han tippa den stang inn. Utover i omgangen skapte vi fleire sjansar då backane våre gjekk på løp. 3-0 kom på ein slik, og Preben sette inn 3-0.

Stockum reduserte på ein fin volley men sigeren var aldri truga. Sterk prestasjon i dag, noko som gjer at vi og Herd begge har 3 poeng på andreplass. Dei har bedre målskilnad, så vi må vinne i morgon for å få til A-sluttspel.

Trio sine kampar tysdag:

Trio/Halsnøy G16-1: kl 11 mot Faaberg på Rustad03.

Trio G16-2: kl 13.15 mot Herd på Ekeberg25.

Trio G14: kl 15.15 mot Brumunddal på Abildsø07.

Trio J14: kl 16.30 mot Fjellhamar på Ekeberg06.


	Tilbake