Triostafetten 2016

Først ute var rekruttane og i klasse 6-10 år vart det sprunge 4x 60m. Det var totalt 10 deltakande lag, som var delt i 2 heat. Og alle fekk sprunge distansen to gonger, før dei fekk sine velfortente premiar. Heile 8 av ei 10 laga som var med var frå Trio. God organisering av vekslingsvaktene hjulpe av ein stødig speaker Lars Jostein Rørvik, la eit godt grunnlag for at rekruttane fekk gjennomført løpa knirkefritt.

Deretter var det ungdomane sin tur. Her var det 6 etappar av ulike distansar, der dei tre lengste var besett av løparar opptil 16 år, medan dei tre kortaste kunne ha løparar som var 13 år eller yngre. 2 jentelag og 5 gutelag sprang i eit felles heat. Uskedal var overlegne i jenteklassen, framom Mix-laget beståande av jenter frå Ternen, Uskedal og Rosendal. I guteklassen var det jamnt lenge. Trio stilte to lag beståande av fotballspelarar frå ulike lag i ungdomsavdelinga og desse kjempa lenge i teten. Men til slutt var det Rosendal sitt sterke lag som vann, ikkje minst takka vera ein råsterk 3.etappe av Torbjørn Haugland Næs. Trio 1 og Trio 2 tok sølv og bronse, etter at 10-åringane Tristan Thorsen og Fredrik Saghaug Eikeland gjorde unna sjarmøretappen på 200 meter inn mot mål.

I herreklassen deltok to lag og det som måtte vera av spaning var vekke etter første etappe. Kenneth Blom sprang godt for Trio, men måtte likevel sjå seg slått med over minuttet over 1800 meter av ein Sindre Omvik i storform. Dermed var grunnlaget lagt for parademarsj for dei 5 øvrige løparane på Rosendal sitt lag.

.

.

.

.

.

.

.

.

.

.

.

.

.

.