Luguber kamp i Rosendal

Rosendal gjekk ut med stor aggresivitet og høgt press, men også vi ønskte å ta tak i kampen frå start av og klarte å stå i mot og gje dei kamp i starten. Ein ball i bakrom etter feilberegning gav 1-0 tidleg, men elles sto vi godt i mot første kvarteret. Vi hadde også eit par gode moglegheiter til overgangar, som vi ikkje nytta då ballen vart spelt for seint på kant.

Men då 2-0 kom litt på same vis som det første, datt vi meir eller mindre i hop og leverte ein elendig prestasjon resten av omgangen. Så lite vilje, tenning, og ønskje om å gjere kvarandre gode som det vi leverer då, er ikkje eit lokaloppgjer verdig. Rosendal er eit solid lag, men det er vi som gjer dei veldig gode i dag. Kun Sander D kunne gå til pause med nokolunde rak rygg, han gjekk føre utan at nokon andre hang seg på.

Vi hevar oss etter pause og spelar 1-1 i andre omgang, men det betyr ikkje så mykje når heilskapsinntrykket allereie var skralt. Vi får ta med oss at Samson hadde to store sjansar med skot over etter framspel frå Sander D, at Sander V hadde ein kjempesjanse på corner og at Samson klarte å presse fram eit sjølvmål på tampen. Sander D var den einaste som leverte til godkjent i dag, utanom Yonas, som hadde eit godt innhopp i andre omgang.

Så får vi stikke fingeren i oss sjølv og ta oss i nakken til neste kamp. Samt slutte å foreslå andre posisjonar enn det trenaren ber om midt når vi er på kamp.

Heimemål etter 8, 16, 18, 21, 25, 27 og 60 minutt.

7-1 (78 minutt) sjølvmål

Dommar: Steinar Sæther, Odda

Vegar Teigen, Gaute Thorkildsen (Vegard Fausk frå 50 minutt), Sander Eik Vevik, Espen Aakre Sjo (Jonas Teigen frå 40 minutt), Ole Martin Byrknes, Sander Dolonen Brækken, Tarmo Tars, Mathias Grindheim, Mathias Gjelseng, Samson Nyrud Uppheim, Benjamin Skarveland (Yonas Debesay frå 40 minutt).