Miniputtcup på Kvednabekkjen 25.09.2016

Info om dommarar på miniputtcup

Vårens første miniputtcup går av stabelen i helga. Vi brukar rykande ferske klubbdommarar i alderen 13-14 år til å avvikle kampane. For dei fleste av dommarane, er dette første møte med dommargjerninga og vi oppmodar både lagleiarar og tilskodarar om å gjere det til ei positiv oppleving for dei. Dei fleste er sikkert usikre og nervøse.

Dommarane har fått desse instruksane før cupen:

* Keeper har lov til å ta tilbakespel i nevane.

* Keeper skal ikkje skyte ut over midten.

* Ved 4-målsleiing, får laget som ligg under sette innpå ein ekstra.

* Pressfri sone når keeper skal sette i gang:

        - La keeper kaste/trille ut, ikkje press før ball er motteke.

        - Keeper skal få starte på nytt viss ikkje dette skjer.

Råd og tips til lagleiarane og foreldra:

* Ver positive og oppmuntre, sjølv når dommaren gjer feil.

* Oppmuntre dei til å blåse hardt i fløyta.

* Gje ros for gode avgjerder.

* Viss dommaren blåser, men spelarane ikkje får det med seg, hjelper vi til.

* Viss dommaren IKKJE blåser, så går vi foreldre IKKJE inn og overprøver det!

* Dommaren bestemmer, og vi må godta at dei av og til gjer feil.