 | | Lars med flest treningar og hattrick i NC-finalen |
Vi starta opp med trening første veka i januar og dei 3 første månadane vart det trent svært godt med mykje kondisjonstrening for å ha mykje å spela med utover året. Sportsleg begynte det ikkje all verden bra. På 3 innecupar kom vi opp på godt nivå kun på ein av dei. I Bergen og i Odda fekk vi det ikkje heilt til, men heime i Husneshallen var gutane 'på' og sikra siger og 3. plass med 2 jevnt fordelte lag. Vi hadde tidleg meldt på laget til 1. div Rogaland (som året før), men fekk av ein eller annan grunn ikkje lov å vera med i Rogaland. Då endte vi opp i ei 2. divisjonspulje i Sunhhordland som einaste utveg. Her vart det litt for mange lette kampar og for lite utfordring for våre gutar med resultat som 20-1 og 14-0 blant anna. Vi enda opp som vinnar av pulja med reell motstand kun frå Odda og Fitjar. Spelemessig kunne vi likevel sjå utvikling hos gutane og i periodar varta dei opp med verkeleg flott fotball og tok og gradvis steg defensivt. Vi sleit med få spelarar og vi må her få retta stor takk til Eivind N og G13 for å bidra med spelarar slik at vi kunne spela 11ar fotball som vi ønsker. På sommaren la vi inn 3 veker oppkjøring til årets høgdepunkt, Norway Cup, der vi berre var 11 spelarar og måtte spela 7ar. Mykje er skreve om reisa vi hadde i Oslo og repeterer ikkje det i denne årsmeldinga. Oppsummert gjekk vi heilt til finale i ein klasse med 92 lag. Ekstremt tøffe kampar i kvartfinale (torsdag kveld) og semifinale (fredag morgon), samt skadar, gjorde sitt til at gutane var litt slitne i finalen som gjekk 3 timar etter semifinalen var over. Fjellhammer hadde hakket meir krefter igjen og det var nok til at dei vann 4-3 etter Golden Goal i ein svært spennande og underholdande finale som vart direktesendt på TV2 Sportskanalen. Ei oppleving for livet for små og store var det og ein flott prestasjon av gutane! Hausten spelte vi G15, 2. div Rogaland for å få bedre matching enn i vår. Dette viste seg å vera eit godt alternativ og gutane løfta seg ytterlegare med ein god porsjon sjølvtillit henta i Oslo i august. Vi klarte til slutt å sanka flest poeng av laga i denne pulja i haust, der bortesiger mot Nord (7-1) og avslutninga heime mot Avaldsnes (6-0) var høgdepunkta. Med å spela opp eitt år kunne vi få hjelp av Are U. og 2001-gutane, både på trening og i kampane. Stor takk til Are & Co også for meget bra samarbeid! Takk også til Kjell Åge & co på G12 for samarbeidet om 'miniane' Isak og Emil:-) Vi feira ein fantastisk sesong 1/12 på Trio huset med spelarar og føresette, med koldtbord, dessertar og kaker som vi hadde spleisedugnad på. Her mimra vi frå Norway Cup og såg både semifinale og finale opp igjen på stor skjerm (takk tilLiv Rose Olderkjær Larsen for arbeidet med filmane). Oppsummering av sesongen med kåringar (Toppscorar: Mads Jørgensen, Best treningsframmøte/Utvikling: Lars Olderkjær Larsen, Årets spelar: Daniel Normann). Mange har bidratt for desse gutane i årets sesong; Kjell Arne Olderkjær Larsen (lagleiar, assistentrenar), Tore Olderkjær (trenar), Per Einar Gjerding (trenar). I tillegg har Odd Steinar Arnesen bidratt på ei økt i veka, Ørjan Normann har hatt regelmessige treningar og har kjørt gutane uttalige kilometer i Trio bussen. På kjøring av buss har han hatt avlastning av Svein Jarle Mo. Rune Mo hadde ein del treningar med gutane i vår med gode og nye impulsar. Vi hadde og inne tidlegare storscorar Ivar B. Arnesen Jr som gjestetrenar i mai der han ga tips om avslutningsteknikk.
| 
