Takka for seg som matchvinnar i finalen

Halsnøy 2 til topps i jenteklassen. På laget Ovidie Eide, Alida Nesheim, Silje Eide, Siren Njøs, Malin Lygre, Kristine Lygre, Hanna Mehammer.

Laurdag gjekk årets første innecup av stabelen, 15-16 åringane skulle til pers. Heile 25 lag deltok, 15 i guteklassen og 10 i jenteklassen. I jentefinalen avgjorde Kristine Lygre for Halsnøy med eit knallskot, det siste ho gjorde før overgang til Stord.

Sølvinnarane Rosendal Raud: Marte Bøyum, Thea Taranger, Eli Omvik, Hanna Tvilde, Alette Mehl, May Beate Brakstad.

Halsnøy-jentene var dominerande i cupen, trass enkelte særs unge spelarar. Men særs gode! Begge Halsnøy sine lag tok seg til semifinale, der dei møtte kvart sitt lag frå Rosendal. Kjekt var det at det også vart eitt lag frå kvar klubb i finalen, og der avgjorde altså Kristine Lygre med kampens einaste mål. Ergo vann Halsnøy 2 finalen mot Rosendal Raud.

Trio 1 vann guteklassen: Tarmo Tars, Lars Olderkjær Larsen, Daniel Normann, Mathias Hansen Eide, Brynjar Gjerding, Torstein Olderkjær, Mads Jørgensen.

Blide sølvvinnarar frå Rosendal: Ola Hunstad, Torbjørn Nes, Trym Guddal, Tord Guddal, Torstein K. Olsen, Snorre Søllesvik, Kristoffer Tangstad.

I guteklassen var det mange gode lag, men heilt til topps gjekk dei unge gutane på Trio 1. Best i spel var kanskje Odda sitt førstelag, men etter 1-1 i semifinalen mot nettopp Trio, var det heimelaget som vann straffekonken. Motstandar i finalen vart Rosendal 2, som imponerte med god moral og godt spel i turneringa. Men i finalen vart det stopp, etter at Trio 1 sin målsnik Lars Olderkjær Larsen avgjorde med kampens einaste mål, etter at Brynjar Gjerding var regissør.

Om to veker er det nye dyster i Husneshallen, då for 13-14-åringane.


	Tilbake