Lang dag i Husneshallen

G13-vinnar Rosendal Kvit: Jonas Solli Søllesvik, Marcus Guddal, Markus Enæs Seeberg, Mathias Ersland Høyland, Trym Hauge Leikvoll, Martin Nistad Lea, Igor Wojcik.

26 påmeldte lag i klassane 13 og 14 år gav ein lang dags ferd mot natt for arrangørane av Trio Cup. Først gjorde 8 lag i G13-klassen unna sine dyster, før like mange lag spelte i G14. Til slutt var det jentene sin tur, då 10 lag i 13 og 14 år braka i hop. Her vart finalen eit reint hardangeroppgjer, så finalistane er vel framleis ikkje heimkomne når dette referatet vert lagt ut.

Solnut G13: Torbjørn Aga, Leidulv Reisæter, Jarle Vikane, Jonas Bleie, Daniel M. Fadnes, Bogdan Khorsunov, Lars Trones.

I G13-klassen var det stort sett berre jamne kampar. Litt uvanleg at ingen Odda-lag var å sjå i semifinalen. I staden møttest dei to laga frå Rosendal, følgjeleg var dei sikra plass i finalen. Der møtte dei Solnut, som slo Trio 2 i andre semifinalen. Finalen endte uavgjort, før Rosendal Kvit vann den påfølgjande straffesparkkonkurransen og heva den største pokalen.

Harding G14: Adrian Kvåle, Tobias Saudal, Dawitt Andom, Sajjad Nazar, Darmian Agic, Bjørnar Meling, Torgeir Hope, Timo Falk, Sondre Kvalnes.

Odda G14-2: Heine Ystanes, Sander Kvam, Sivert Rogne, Martin Hauge, Eivind Thygesen, Gutu Taju.

I G14 dominerte laga frå Hardanger og to av Odda sine lag møttest i eine semifinalen. I finalen møtte dermed Odda 2 det sterke laget frå Harding, som vann heile 4-0 over Trio 1 i sin semifinale. Også i finalen var Harding sterkast og drog i land ein kontrollert 2-0-siger.

Odda J14: Heidi Kysnes, Henriette Sekse, Ane Abelsen, Silje Karlsen, Amalie Kaasa, Ingrid Trones, Julie Rogne, Solvor Sandvin.

Solnut J14: Anette Wagtskjold, Helene Wagtskjold, Kari Bleie, Sara Kråkevik, Idunn Sivertsen, Ida Margrete Lothe, Ayla Sneeggen, Elin Sneeggen.

Jenteklassen besto altså av 10 lag frå 6 klubbar. Trio J14 er eit nystarta lag som ikkje har trenar, men to mødre har teke på seg lagleiaransvaret. Slik sett hadde ikkje jentene store forventningane på førehand, men etter siger i kvartfinalen, var også jentene nære på å vippe Odda J14 av pinnen i semifinalen. Oddingane vann dog 1-0 til slutt og det var meir målrikt enn i andre semifinalen, der Trio J13-2 og Solnut spelte mållaust. Solnut drog sigeren i land på straffar. Etter sisteplass i gruppespelet, sleit jentene frå Aga seg til ein uhyre knapp kvartfinaleplass, då også plauyoff-kampen i forkant endte uavgjort. Samtlige 8 Solnutjenter måtte i aksjon før Uskedal var slått i straffekonken. Sidan såg Solnutjentene seg ikkje attende før kreftene var oppbrukt i forkant av finalen. Der var Odda overlegne og vann heile 4-0.

Helga om to veker er det ny Trio Cup, då for G10, samt 11- og 12-årslaga. Takk til alle som gjorde ein flott dugnadsinnsats og sikra nok eit framifrå cuparrangement.

Trio J14: Emilie Askeland, Mia Høydal, Emma Weberg Kaldestad, Nadine Morstad, Helene Vågen Eikenes, Andrine Ynnesdal, Emma Heggøy, Gina Lindås Grindheim.


	Tilbake