Første damekamp på 10 år

I mai 2007 markerte Trio sitt damelag at dei hadde 1000 dagar utan heimetap. Men litt seinare på sommaren var det slutt for damene, som ikkje hadde nok spelarar til å fullføre sesongen. Sidan har det ikkje vore spelt seniorkampar for Triodamer i Husnes idrettspark, men onsdag kveld kl 19 blir det endeleg kamp igjen!

Rett nok har ikkje Trio eige damelag, men dei siste åra har vi hatt felles lag med Rosendal, med sistnemnte som administrativt ansvarleg for laget. Rosendal/Trio damer har spelt heimekampane sine i Rosendal, men onsdag kveld blir det altså treningskamp på Kvednabekkjen. Rosendal/Trio sin nye trenar, Triospelar Futsum Mebrahtu (biletet til høgre), leiar damene i sin første kamp.

Kaptein på Trio2, Gaute Thorkildsen.

Motstandar er Trio G16-2. Toarlaget vårt er ein mix av 15-16-åringar og det bør kunne bli ein tett og spanande kamp. Underteikna var Trio sin dametrenar fram til laget måtte leggast ned i 2007, og er i dag trenar for... ja, Trio G16-2. Møt fram og sjå ein spanande treningskamp :)

- Are Ulseth


	Tilbake