Seriestart for andre gong for G16-1 torsdag

G16-1 har ikkje spela seriekamp sidan 20. april når dei torsdag skal spela sin tredje kamp for sesongen. Det blir nesten som ein ny seriestart med ein måneds pause. Motstandar er Sveio og kampstart på Kvednabekkjen er 18.30.

Sveio på si side har spela 5 kampar allerede, og kun tapt mot Trott. Øvrige 4 uavgjort, blant anna mot topplaga Kopervik og Djerv 1919. Så det blir nok ein gong ikkje enkelt å få tak i poeng.

1. divisjonspulja vår framstår elles SVÆRT STERK. Over dei to 1. divisjonspuljene er det ein ELITE divisjon i Rogaland. Her er det med kun lag frå Stavanger-sida, etter at Djerv 1919 takka nei til spel der. I den andre 1. divisjonspulja er det også kun lag frå sør-sida av Boknafjorden. Med andre ord består vår pulje av dei beste laga frå Karmøy, Haugesund, Sveio og Sunnhordland (unntatt Bremnes, som herjar i 1. div Hordaland og har slått Brann, Åsane og Nest/Sotra allerede).

Spelargruppa vår har og vore/er prega av sjukdom/skader, konfirmasjonar og eksamenslesing. Dette er og ein utfordring i forhold til å mønstra mannskap som kan hevda seg i dette selskapet. Vi ser det likevel som meir gjevande å kjempa om poeng på dette nivået enn å vinna kampar 10 og 20-0 som mange av våre opplevde for eit år sidan i G14 2. div.

No er sjukdommen tilbakelagt og konfirmasjonane nesten ferdig, så vi går på med krum nakke for 8 kampar den kommande månaden i jakta på poeng som heng høgt:-). Treningane siste tida lovar i alle fall godt, så det skal bli spennande å sjå kor vi står mot Sveio.

Møt opp og støtt Trio-gutane:-)


	Tilbake