Småjentene (J13) slo til med storseier mot Moster

Vi snakka før kampen om å klara å vera «på» frå starten av og prøva å ta styringa på kampen. Dette klarte jentene med bravur og var best frå første stund. Julie var som vanlig eit uromoment for motstander forsvaret og på første sjanse etter 6 minutt smell det i stolpen bak Moster målvakta.Etter drøye 10 minutt kjem sjanse nummer 2 etter ein god corner frå Linnea og då sett Julie ballen kontrollert i buret til fortent 1-0 til bortelaget. Bare 3 minutt seinare er ho frampå igjen etter flott pasning frå Ingeborg og doblar ledelsen til 2-0. Siste 20 av første omgang blir meir jevnspelt og omgangen ebbar ut med 2-måls ledelse til oss.

I pausen får jentene skryt for god defensiv struktur og jobbing. Vidare var det viktig å vera tett på Moster sin nr 10, deiras klart beste spelar som vi kjenner frå Sone Sunnhordland samlingar.

Tidlig i andre omgang jobbar vi godt i Moster feltet og pressar godt og Synna er til slutt sist på ballen som gir oss det tredje målet og 3-0. Moster får deretter straffe etter ein hands i Trio feltet. Den reddar Cecilie mesterlig og det toppa ein flott kamp i målet av 12-åringen frå Sunde. Dette gir både laget og Cecilie ekstra energi og ho avsluttar kampen med 2 målgivande pasningar frå eige felt! Først til Julie til 4-0 og deretter til Malene til 5-0. Begge på gjennomløp der dei brukar sin store fart. I denne perioden er vi klart best og kunne fort scora 2-3 mål til.

Vi har sluppe inn 9 mål på dei 2 første kampane mot tøff motstand. Derfor kjempegøy at vi i dag holder nullen i 70 minutt mot eit lag som tross alt scora 10 mot Njardar/Tysnes nylig. Her gjer heile laget ein storjobb og gjer sine oppgaver på ein god måte, med god struktur i bånn. Sentrallinja med Cecilie, Ingeborg, Synna og Julie er veldig bra i dag. Ellers i dag utmerka Aurora seg med stabilt godt forsvarsspel og Linnea og Emma gjorde årsbeste på midtbanen. Kjekt å sjå Malene i aksjon som utespelar og med scoring i første kamp. Også kjekt å sjå at ALLE bidrar positivt til at det blir ein solid seier og tar ansvar, spesielt defensivt.