Hederlig tap mot Odda for J16

Første timen av oppgjeret var det vanskelig å sjå at dette var topp mot bunn på tabellen. Odda klarte ikkje skapa mykje mot eit Trio lag med god defensiv jobbing. Odda var best og hadde mest ball, men var sjelden farlige, med eit unntak. Midtveis i omgangen kjem dei gjennom og på forsøk nummer 2 klarer dei setta ballen i mål, utagbart for Celina.

Jentene får skryt i pausen og beskjed om å fortsetta i samme sporet, fotball handlar mykje om innsats og hardt arbeid.

Vi klarer holda Odda frå livet også første 15-20 av andre omgang og er og nær utligning i denne perioden ved 13-åringen Julie Ersland. Vår sentrale midtbane ved Cecilie og den andre 13-åringen, Synna Gjerding, hadde vore viktig i den defensive jobben første timen. Dei blei begge slitne og måtte ut og kvile. Då mista vi midtbanen totalt og siste 20 minutta vart då eit stormløp mot Trio-målet og Odda auka til 2-0 i denne perioden. Hadde det ikkje vore for stor-spel av Celina i målet og ei opplagt Ida i midtforsvaret, kunne det blitt stygge siffer denne perioden.

Totalt sett ein god kamp av alle jentene i forhold til jobbing og det defensive. Vi blir litt tynne framover når Odda ligg igjen med 4 heile tida mot 1-2 spissar og vi ikkje evnar flytte etter nok folk. Men masse å bygge vidare på her til siste vår-kampen på torsdag, heime mot Nord. Med samme innstilling då kan det vera mulig med poeng då:-).

Ekstra pluss i dag til Celina, Ida og Cecilie, samt 13-åringane Julie og Synna som igjen viste seg fram positivt mot eldre jenter.

Laget: