Flott innsats av G16-1 i siste vårkamp

Vi gjekk ut i ein 4-4-1-1 formasjon, med eit ønske om å ligga høgt frå starten av. Etter om lag 50 sekund (?!) var vi spelt lave av eit velspelande Djerv-lag som var flinke å flytta ball til områder der vi var litt på etterskudd med å dekka rom. Dette gjorde ikkje så mykje, for vi etablerte ein god struktur, stengte rom og klarte første 20 minutta å skape gode brudd og hurtige angrep. Vi skapar i denne perioden den desidert største sjansen, då Sander blir spelt åleine med keeper. Han er ikkje heilt kald nok og keeper reddar. Ikkje lenge etter får vår kaptein Daniel N føling med ein tidlegare lyskestrekk og er ferdigspelt. Med uttelling på 100% sjansen og Daniel N på banen, kunne dette blitt virkelig gøy. No blei det tungt og ikkje lenge etter at Daniel har satt seg på sidelinja går bortelaget opp i 1-0. Dei doblar til 2 5 minutt etter, då ein Djerv-spelar på utrulig vis klarar krangla seg gjennom 2 av våre på dødlinja på høgresida. Synd vi gjer vekk sånt når vi gjer så mykje anna bra! Vi blir straffa umiddelbart og kontant 2-0.

Masse skryt i pausen. Allerede før pause er vi nede på 11 mann då Simen må ut. Vi måtte faktisk i bilen og henta meir is:-)

Gutane står på i andre omgang også. Djerv skapar meir i denne omgangen og vi blir meir sliten. 3-0 kjem etter 55 min ved ein spiss som låg mistenkelig langt inne og på 4-0 er vi rett og slett utspelt og eit hardt legg frå venstre blir satt kontant i mål.

Kjekt å stå på linja i dag og sjå på ein laginnsats uten sidestykke der alle står på for kvarandre. Ingen klaging eller sure meldingar. Å sleppa inn bare 2 i kvar av 2 x 40 min omgangar mot dette Djerv-laget er vi veldig godt nøgde med. Flott jobba gutar! 

Vi utfordra Torstein til å visa meir autoritet, spesielt på dødball, i dagens kamp. Dette løyste han veldig bra og hadde og ein del gode redningar når sjansane kom tettare. Årsbeste av vår målvakt i dag, einaste skår i gleden at også han måtte ut med skade like før slutt. Mathias HE var oppe igjen på høgt nivå etter ein litt meir anonym kamp sist og gjorde manns jobb på midten. Forsvaret var og meget bra. Vi kunne trekt fram alle, men disse 2 syns vi skilte seg litt ekstra ut i dag:-). 

Det har vore ein tøff vår-sesong for gutane. Det starta med ein vinter med ekstremt med sjukdom og mange som har komt seint i sin beste form. I ei pulje med meget høgt nivå har det heller ikkje hjelpt på med mykje skader på sentrale spelarar. Vi føler likevel vi spelar på rett nivå, det har vi vist i mange kampar, sjølv om det kun har blitt 4 poeng i vår. Det er muligheter for fleire i haust, spesielt om vi kjem opp frå 12-13 mann på kampane.

No blir det ein kamp mot klokka for å få flest mulig speleklar til lørdag kl 11.00. Då står danske Støvring på motsatt halvdel i Kristiansand når vi spelar G15 i Sør-Cup.

God dommar var Steinar Sæther frå Odda.