Tøff motstand

Vi mønstra for første gong i historia eit lag med overtal av afghanarar på. Vi har no heile 6 kjekke, afghanske gutar i stallen og alle desse var med i går, så vi totalt var 11 mann på kamp. Den gjekk over 3x 25 minutt.

Øystese var eit par hakk betre enn oss i både tempo, ferdigheiter og samspel og vi hadde vår fulle hyre med å stå i mot. Tarmo gjorde ein framifrå innsats i forsvaret og var vår bestemann. I tillegg var keeper Aref i storslag og hindra mange scoringar, før måtte kaste inn årene siste kvarteret etter ein smell i ribbeina. Det gjorde også at vi gjekk frå 5 til 10 baklengs. Hekmat tok ansvar med hanskane, men han blir nok ikkje hugsa i Trio for keeperferdigheitene. I tillegg var også resten av laget dugeleg slitne, så at det rann inn med mål på tampen (4 baklengs siste 5 minutta), var det ikkje så mykje å gjere med. 

I første omgang sto vi godt i mot, men det var veldig fortent då Øystese scora midt i omgangen. Mot slutten vart vi trykka skikkeleg bakpå, men Aref rydda unna så det sto 1-0 til pausen.

Gutane ville tilbake til vår vante formasjon, og det vart det, sjølv om underteikna var noko skeptisk. Det starta dårleg, med to kjappe i mot og enda eitt ikkje så lenge etter. Men frå 4-0 klarte vi å demme betre opp også med berre to mann bak. Og Vegard reduserte etter at Gaute sto for ballvinning og skot som keeper gav retur på. Dermed 4-1 til pause to.

Vi kjempa også godt i første halvdelen av siste omgangen, sjølv om det også her kom eit baklengs heilt i starten. Siste kvarteret tapte vi så 5-0, men det skal vi ikkje legge så mykje i. Øystese framsto i allefall som eit særs godt lag. Underteikna vågar seg på ein liten spådom: Rosendal mot Øystese i A-finalen i Norway Cup?

Sjølv er vi ikkje på det nivået, men satsar på å bite frå oss så godt vi kan i kvar einaste kamp. Vi er 21 spelarar og mønstrar difor to jamngode 7arlag i cupen. Sjølvsagt litt uvant å spele 7ar etter gammalt, men det er det nok for dei fleste 16-årslag. Ein kjekk tur skal det i allefall bli.

Mål Trio: Vegard Fausk

Aref Hosseinizada, Yaserullah Tarakhel, Tarmo Tars, Espen Aakre Sjo, Mohammad Barakzai, Gaute Thorkildsen, Hekmatullah Ahmadi, Ole Martin Byrknes, Vegard Fausk, Omid Karimi, Said Mohammadi.