Knallkamp av Trio 2

I begge omgangar får vi baklengs i opningsminutta, og på begge er vår elles veldig habile keeper Aref litt uheldig. Sjølv svarar vi i begge omgangar med utlikning etter 10-15 minutt, begge på frispark inn bak forsvaret. Nore Neset sov litt på det og Gaute og Said får kvar si flotte scoring på vilje og gode avslutningar. Begge scoringane på flott serve frå Ole Martin. Den nye Sinisa Mihajlovic!

Etter eit visst borteovertak første 10 minutta, kjempa vi oss godt inn i kampen og tok over føringa. Fortjent utlikning på Gaute sin flotte volley og vi har eit visst tak på det ut omgangen. Kantane våre Gaute og Mohammad kjem rundt to gonger kvar, og med gode innlegg fekk både Hekmat, Alen og Said gode moglegheiter som det ikkje vart mål på.

Same kjedelege start på andre omgang, men igjen reiser vi oss og viser flott innsats og duellstyrke, som mot Trott sist. Og enda betre, vi klarar å vise mykje meir ro, presisjon, bevegelse og kvalitet i pasningsspelet vårt. Herleg scoring frå Said, som fekk sin heimedebut. Sjettemann av våre EMF-gutar frå Afghanistan vart speleklar for ei veke sidan og imponerte med flott innsats og hurtighet på topp. 

Utover i andre omgang var vi nærast sigeren. Ole og Samson med kvart sitt gode skot utanfor, og Alen utanfor etter dagens flottaste angrep, med cross frå Ole Martin og gjennlegging frå Gaute. Men aller nærast var Samson, som vann ballen på 16-meteren. Men kun vinkelen er godt nok for slegga frå Raudstein, og denne gongen vart det på utsida av kryssen. 

Dermed enda kampen 2-2 etter ein solid prestasjon av oss, der vi viser fleire steg på fram i angrepsspelet. Hekmat og Said med flotte takter på topp, Gaute er eit konstant uromoment. Ole Martin viser at han er førstelagsspelar og tek ein meir sentral rolle hjå oss, banens beste i dag. Og Edvin viser kvifor han fekk sitt første innhopp på førstelaget tidlegare i veka med solid stopparspel i lag med Espen. Kort sagt, mykje bra av mange. Først og fremst laget. 

Då er det to veker til neste kamp, borte mot Os.

0-1 (3 minutt) 

1-1 (11 minutt) Gaute Thorkildsen

1-2 (42 minutt) 

2-2 (54 minutt) Said Mohammadi

Dommar: Åge Eide, Leirvik BK

Gult kort: Gaute Thorkildsen og eitt til Nore Neset.

Trio sitt lag: 
Aref - Yaser, Espen, Edvin, Omid - Gaute, Ole Martin, Samson, Mohammad (Erik frå 33 minutt) - Marcus (Alen frå 33 minutt), Hekmat (Said frå 33 minutt).