Sterk andre omgang sikra fjerde strake for J13

Ny seier for J13 mot Njardar

J13, 2. div, Trio - Njardar/Tysnes 6-2 (2-2).Småjentelaget (J13) tok mandag i mot Njardar frå Tysnes til siste seriekamp i første halvdel av høstserien og siste kamp før Regy Cup. Ein veldig svak første omgang blei fulgt opp av ein bra andre omgang og det var nok til å snu 1-2 til 6-2 før Njardar måtte haste avgårde 10 minutt før slutt (??!!).

Flott spel og fint mål av Malene på høgrekanten

I forhold til tabell var det topp mot botn i dag, men vi visste at bortelaget ikkje var dårlegare enn at det fort blei jevnt om vi ikkje var skikkelig på og gjorde det vi skulle. Og slik skulle det gå. Etter oppskriftsmessig 1-0 ved Julie etter 5 minutt på gjennomløp, gjorde vi ein usedvanlig svak halvtime. Denne tapte vi 2-0 og det var det ingenting å sei på. Njardar ville mykje meir enn oss og vann duellar åleine mot både 2, 3 og 4 Trio jenter. Då blir det fort trøbbel. Det virka som vi trudde det skulle gå av seg sjølv etter 1-0. Malene er einaste som er på hugget omgangen sett under eitt og kjekt at det er ho som får gleden av å setta inn 2-2 like før pause på ein godt slått corner av Linnea.

Astrid satte inn dagens flottaste mål

Jentene fekk vel det nærmaste ein kan komma ein 'tordentale' for 13 år gamle jenter i pausen og det virka som alle var enige om at dette kunne vi gjera mykje bedre. Vi skulle begynne med å vinne alle dueller. Malene overtar i mål for Cecilie i andre omgang og Cecilie skulle bli sentral som servitør i sluttomgangen.

Servitør Cecilie involvert i det meste i andre omgang

Det er eit heilt nytt lag som kjem på banen i andre omgang. Etter at Cecilie kjem inn på høgrekanten skjer det mykje der og ho er involvert i det meste. Ho vinn først ein corner som ho slår sjølv. Etter litt klabb og babb føre mål krigar Synna ballen inn til 3-2 ledelse. Ikkje lenge etter kjem dagens flottaste mål, igjen frå høgre. Cecilie kjem etter fint spel seg fri og legg hardt inn føre mål. Der kjem Astrid fri på bakerste stolpe og styrer ballen flott i mål. Vakkert:-). No kjører jentene bare på i stort tempo og Malene i mål er ikkje borti ballen i det heile. Cecilie serverer 2 innlegg til og Julie og Emma får notert kvar sitt mål. Det kunne fort gått mot tosifra om vi hadde fått fortsett, men så skjer det utrulige at Njardar trenaren har bedt dommar om å blåsa av 10 minutt før slutt for å nå ei ferje. Kor vanskelig kan det vere å planlegge ei reise til Husnes, verre enn andre veien? Plutselig er kampen over og det endar 6-2 etter ein god avslutning på kampen av Trio-jentene. Gjekk nok sannsynligvis glipp av 2-4 plussmål med den korte sluttomgangen. La oss tru vi aldri får bruk for dei....

2 mål igjen på toppscorar Julie

Oppsummert ein heilt middels kamp av jentene. Då er det positivt å vinna med 4.

Isaac Jørgensen var dagens dommar og klarte seg som alltid godt. Frå vårt hold savnar vi imidlertid at jentene må få lov å duellere skulder mot skulder i større grad uten å få frispark imot. Dei må lære at det må vera kontakt og at det er tillatt.

No er det hospitering på J14 og J16 torsdag og avreise til Regy Cup fredag der jentene skal møte nye lag som Solid, Vadmyra og Hinna i puljespelet lørdag. Det gler vi oss til:-).

Laget i dag:

Cecilie E. Medhaug, Malene Heimvik, Aurora N. Mathisen, Ingeborg S. Hagan, Synna H. Gjerding, June S. Hammer, Linnea E. Rusten, Ariana Quam, Leah Mo, Julie Soma Ersland, Emma S. Meling, Ida H. Gudding, June Marie Bjelland, Astrid H. Borgen.


	Tilbake