Beintøff dommardebut

Å vera fotballdommar er ingen spøk, og i allefall ikkje første gongen ein dømmer seriekamp. Men få får kjenne så pass på det som 13-årige Storm Nyrud Uppheim. Debuten hans endte med armbrot!

11-årskampen mellom Trio Husnes og Røldal gjekk rett nok føre seg i all fred og fordrageleghet, men dommardebutant Storm var uheldig tidleg i andre omgang. Då han skulle jogge bakover, trakka han skeiv og ramla, og tok seg naturleg nok føre med armen. Det endte på verst tenkjelege vis, med brudd i handleddet. Storm trassa smertene og fullførte kampen, før ein tur på helsesenteret vart til tur til Stord sjukehus og gips på armen!

Men Storm tek ikkje skrekken av slikt, han er klar for nye oppdrag i svart. Men verre var det at dette skjedde to dagar før avreise til Regy Cup i Haugesund, det Storm og Trio G13 Husnes skulle delta. Storm vart med på turen, men fekk ikkje lov til å spele. Mest fordi han er keeper :)


	Tilbake