Trio J13 seriemester 2. div avd 6!

Glade jenter etter at puljeseieren er sikra

Trio sitt 13-års lag for jenter har vist ein formidabel utvikling gjennom sesongen. Etter å ha blitt nr 4 av 6 og tredjebest av laga frå Kvinnherad i vårsesongen, har jentene vore direkte imponerande i haust og har feia all motstand av banen. Med ein kamp igjen å spela er vi allerede vinnar av pulja og klar for spel om 'meister tittel' i J13 2. div i Hordaland i kamp med 5 andre puljevinnarar.

Etter 6 spelte kampar leda Trio jentene med 6 poeng og hadde 19 mål bedre målforskjell enn Rosendal på andre plass. Då Njardar/Tysnes trakk seg frå sin heimekamp mot oss denne veka forsvant siste rest av teori og puljeseieren var i boks. 7 strake seirar og markant utvikling og framgang av heile laget ligg bak dette.

Vi har ein utsatt kamp mot Rosendal igjen, og den skal spelast på Kvednabekkjen førstkommande TORSDAG KL. 18.30. Kjekt for jentene om mange hadde stilt opp for å heidra dei i siste heimekamp for året og forhåpentligvis sjå ein god fotballkamp mellom 2 sterke småjentelag, begge i flott utvikling denne hausten. Få med slekt og venner på kamp denne kvelden!

Søndag 12/11 skal Trio jentene spela semifinale om KM-tittel 2. div J13. Sannsynleg motstandar er sterke Søfteland/Nore-Neset som har gått gjennom utan poengtap i haust og var ett poeng unna opprykk til 1. divisjon i vår. Dei skal først møta Sotra 2, men ser i utgangspunktet ut som ein favoritt i dette sluttspelet ut frå resultat tidlegare i år. Vi skal møta vinnaren. Skulle vi vinna, blir det finalekamp helga etter. Spennande:-)


	Tilbake