J13: Søfteland for sterke for Trio-jentene i semifinalen

Med tidlegare stor-scorar på Trio sitt A-lag, Øystein Ersland, som coach pga jobbreising på trenarane, gjekk jentene rett i angrep og kjørte høgt press. Julie er nære allerede etter 2 minutt. Midtvegs i omgangen får vi tildelt straffespark og Emma scorar for fjerde gang på 4 straffar siste 6 vekene. Det bølgar fram og tilbake med sjansar for begge. Cecilie ryddar godt opp i Trio buret, mens både Julie og Emma har store muligheter til å auke leiinga til Trio. Ein god omgang av jentene og 1-0 leiing til pause. Vi har vist at vi held nivået til dette gode laget.

Søfteland har eit jevnt og godt lag med færre spelarar enn oss totalt og lite bytting. Vi er (heldigvis) 14 og byttar masse. Søfteland spelar meir og meir direkte og pumpar lange ballar opp. Det gjer at midtbanen vår kjem mindre med i spel og det blir ein type fotball som er litt frå det vi øver på i det daglige. Søfteland snur kampen i andre omgang med 3 mål og vinn til slutt fortent 3-1 i ein kamp Trio like godt kunne vunne med bedre uttelling på sjansane mot ein god målvakt på andre laget.

Då er vi ferdig med kampane i 2017, men trenar ut november måned før vi tar fri i julemånaden. Jentene har vist ein utrulig evne til læring og vi har aldri sett eit lag utvikla seg så mykje i løpet av ein sesong. Veldig kjekt:-))