Overbevisande 4-0 seier til J14 mot Sauda på varm dag

Storspel av J14 i 4-0 seier mot Sauda

J14, 1. div Rogaland (Nord); Trio - Sauda 4-0 (2-0).

Trio jentene tok søndag imot botnplasserte Sauda til kamp på Kvednabekkjen. Sauda kom frå ein opptur med 2-2 heime mot Bremnes, men hadde ingenting å stilla opp mot hardtarbeidande og fintspelande Trio jenter. Etter 2 mål i kvar omgang enda det til slutt med ein overbevisande 4-0 seier til jentene i raudt.

Flott kamp av Astrid, inkludert ein omgang som keeper:-)

Gameplan i dag var høgt press, først på ball og tørre å spele den langs bakken. Dette klarte jentene med bravur og satte umiddelbart Sauda under stort press. Emma har tidlig skudd i tverrliggaren, men skada seg så like etter i kneet og måtte fraktast til helsesenteret. Vi håpar det går bra og at Emma snart er tilbake, vi treng deg sårt:-). Neste ut til å testa aluminiumen er Julie, då keeper slår avslutninga hennes i overliggaren.

Cecilie var involvert i mykje flott spel i dag og fekk også ein fin scoring

Etter innlagt drikkepause i varmen, så sitt den endelig etter ca 20 min når Linnea ladar sin frykta skuddfot, langskudd i stolpe inn og svært fortent 1-o til Trio. Alt spel skjer på Sauda sin halvdel og jentene trykker på meir og meir. Vi aukar like før pause. Vår høgrekant Cecilie tar med seg ballen frå midten og skjer inn mot mål. Der trillar ho ballen til sides for målvakt og 2-0 til Trio. Dette står seg til pause etter ein svært god omgang av Trio.

Stor jobb sentralt av June Marie

Lagleiing og jenter er enige om å stå distansen ein omgang til og kjører på frå start i andre. Ganske tidlig kjem det etterlengta tredje målet då Julie viser kraft og styrke og bryt gjennom til 3-0. Spelet skjer i hovedsak på Sauda sin halvdel også i denne omgangen, og sjansar blir skapt fortløpande etter tidvis flott spel langs bakken. Malene spelte ute i andre omgang og hadde forarbeidet til siste målet. Igjen er Julie sist på ballen og 4-0. Dette blir og sluttresultatet, i ein kamp der Sauda ikkje har ein målsjanse i heile kampen. Svært bra jenter!

Det har siste veka vore terpa på avslutningar på trening. Tidlegare storscorar i Trio, Øystein Ersland (far til Julie) har jobba med jentene på avslutningar. Kjekt å registrera at det ga umiddelbar uttelling i dag då både Cecilie og Julie er rolige og sikre åleine mot keeper, akkurat som Øystein hadde drilla dei på.

Vi var 13 jenter i dag med Annie på lån fra J13 og tidlig nede på 12 med Emma ute etter 10 minutt. Dette vart løyst fortreffelig med at Malene og Astrid tok ein omgang kvar i mål og ellers rullerte jentene slik at dei fekk ein ekstra drikkepause på sidelinja forutan dei innlagte.

Kampen var ein formidabel LAGSEIER der alle sto på, tok ansvar og jobba for kvarandre. Når ein i tillegg tør - og får til - å SPELA fotball, då er fotball kjekt - og spesielt når ein får uttelling gjennom scoringar, seier og 3 poeng. Bravo jenter!

No er det noko hospitering på J16 og trening kommande veke, før vi får ei travel veke deretter. Då er det Djerv 1919 borte tirsdagen, Åkra heime torsdagen og avreise til Bø Sommarland Cup fredagen.

Laget i dag: Malene, Ingeborg, Ariana, Aurora, Cecilie, Synna, June Marie, Emma, Julie, Linnea, Astrid, June og Annie.

Bjørn, Kristine & Per Einar


	Tilbake