Gjennomsnittskamp

På ein fin grasbane på sentralidrettsanlegget på Svortland gjekk vi friskt ut og hadde kommandoen i starten av kampen. Både Ruben, Mathias og Daniel hadde gode sjansar utan å lukkast, medan Aref rydda opp med ein flott parade den eine gongen Bremnes var gjennom. Og vel midt i omgangen gjekk vi i føring då Espen sendte i veg eit skot som keeper slo i tverrliggjar og ned på streken. Der var Sander på plass og kjempa ballen inn, men Espen har allereie kravd å få Hawkeye i sving for å avgjere om ballen allereie var inne. 0-1 til oss uansett.

Men det gjekk ikkje lenge før Aref var for brutal mot spissen som var først på ball. Straffe, 1-1 og like langt. Bremnes hadde nokre gode sjansar mot slutten av omgangen, blant anna ei heading i stolpen. Men uavgjort midtvegs.

Etter kvilen starta vi igjen best. Fine kombinasjonar mellom Samson og Sander før Ruben avslutta rett på keeper, Mathias med eit flott innlegg der Daniel ikkje fekk dreis på headinga, og Ruben med eit langskot i stolpen, som Daniel dundra returen høgt over på. Men mål vart det ikkje. I staden var vi på ny for hardbare i eige felt. Edvin taklar knallhardt, først på ball, men mannen blir i høgste grad med. Ergo ny straffe og 2-1 til heimelaget.

Med det gjekk lufta litt utav oss ein periode og Bremnes får 3-1 på corner og 4-1 på litt for enkelt vis. Likevel hevar vi oss på slutten og får ei redusering når Ruben legg inn til Daniel, som er kontant framom mål. Dermed 4-2, og nesten skyt ikkje presten i vesten, som det heiter(?) Tarmo og Edvin er solide for oss i midtforsvaret, medan Espen kanskje er vår bestemann, denne gongen som indreløpar. Totalt sett ein kamp på det jamne. God innsats, men litt å gå på i presisjonen.

Det vart også siste kamp for vårsesongen, då morgondagens hengekamp mot Stegaberg på ny er utsett, då bortelaget ikkje kan stille. Vi gjev dei ein sjanse til i august.

Kampfakta frå Sentralidrettsanlegget gras

Bremnes2-Trio2 4-2 (1-1)

0-1 (25 minutt) Sander Dolonen Brækken

1-1 (28 minutt) straffe

2-1 (62 minutt) straffe

3-1 (70 minutt)

4-1 (73 minutt)

4-2 (77 minutt) Daniel Sørtveit

Gult kort: Mathias Gjelseng og Espen Aakre Sjo, 2 til Bremnes.

Trio sitt lag:

Aref Hosseinizada (Tormod Sund Vårdal frå 45 min), Simen Hellevik Lie (Jonas Teigen frå 32 min), Edvin Vågen Bjørgvik, Tarmo Tars, Ole Martin Byrknes, Espen Aakre Sjo, Samson Nyrud Uppheim, Ruben Saug, Daniel Sørtveit, Sander Dolonen Brækken, Mathias Gjelseng (Simen frå 70 min).

- Trenar Are Ulseth