J14 klar for haust-sesong i tøff 1. divisjon

Tøff motstand i 1. divisjon i haust for Trio sitt J14 lag

Trio J14 gjorde sakene sine så bra i 1. divisjon Rogaland i vår at plassen i haust vart sikra, medan 3 andre lag vart flytta ned til 2. divisjon. I haust skal ein dermed møta dei 5 som kom over oss på tabellen i ein dobbel serie. Ein STOR utfordring med 10 kampar mot lag som var bedre enn oss i vår. Med andre ord: ALT å vinna og ingenting å tapa:-)

Emma er tilbake i trening etter kneskade og ser fram til kampar igjen

Onsdag kveld 18.00 går fløyta på Bømlo for første seriekamp i haust for Trio sine lovande 14-års jenter.

Aurora avslutta våren sterkt og blir viktig brikke i Trio forsvaret i haust

Motstandar er Bremnes og tilsvarande kamp i vår enda med 7-2 seier til gultrøyene etter at det hadde stått 2-2 litt uti 2. omgang og kampen var noko jevnare enn sluttresultatet skulle tilsei. Jentene har fått trent brukbart med ei økt i veka gjennom heile sommaren og normal trening frå starten av august. Onsdag går dei på banen med trua på poeng, så får vi sjå kor langt det rekk:-).

Storspel i vår av midtstoppar Ariana, no blir det endå tøffare motstand å bryna seg på

Det er vår ambisjon at ALLE J14 sine kampar i haust skal bli oppdatert på IL Trio Liveoppdatering på Facebook. Så følg med frå kl. 18.00 onsdag.


	Tilbake